“Ангууч” нэрээрээ фэйсбүүк хэрэглэгч охидуудыг хуйлруулж, үнэнч фэнүүдтэй болоод байсан залууг угтаа бол Батбаатарын Баттөр гэдэг. Томоохон компаниудын рекламын нүүр царайгаар тодроод зогсохгүй “Сайн уу амьдрал минь 2 ” кинонд дүрээ мөнхлөөд амжсан адтай нэгэн.Урлаг соёлын одууд хийгээд загварынхантай нөхөрлөдөг нь түүнийг ийнхүү олны танил болоход нөлөөлсөн ч байж мэдэх юм.
Үе үехэн алмайруулаад авдаг “Ангууч” “Mongolia’s next top model” нэвтрүүлэгт сорилын шүүгчээр орж, ялагчийг тодруулахдаа надтай хамт тусгайлан зассан ширээнд оройн зоог барина хэмээсэн нь олон хүний дургүйцлийг төрүүлж, шүүмжлэлд өртөөд амжсан. Гэвч тэр үг нь нэвтрүүлгийн зүгээс өгсөн “өгөгдөл” байсан уу мань хүн өөрөө тэгж хэлсэн үү гэдэг нь нууц хэвээр үлдсэн. Царай төрх, бие хааны хувьд сайхан гэгддэг Б.Баттөр энэ удаад царай биш, хүч чадлаа гайхуулхаар шийджээ. Тэрээр “Мастер Тулаанч” Реалити шоу нэвтрүүлэгт оролцож, одоогийн байдлаар шилдэг 20-т багтсан байгаа гэнэ лээ.
factnews.mn