САХИУСАН ТЭНГЭР ГЭЖ ХЭН БЭ
Сахиусан тэнгэр гэж хэн гэдгийг мэдэхийг хүсч байгаа бол, тэдэнтэй харьцаж сурахыг хүсч байгаа хүмүүст манай энэ нийтлэл тус болно гэж найдна. Сахиусан тэнгэрүүд яг л махан биегүй сүнстэй адил. Тэд орон зай, цаг хугацаа гэж мэдэхгүй. Та бид асар их хүчин чармайлт гаргаж, хүндрэл бэрхшээлийг даван туулж байж хөдөлж, шилжин явдгийг ч тэд мэдэхгүй.
Эдгээр сахиусан тэнгэр нисэх мэт хурдан хөдөлгөөнтэй. Одоо энд байлаа гэхэд нүд ирмэх зуур өөр газарт очдог. Сахиусан тэнгэрүүдийн хувьд хаалга, хана, цоож гэж байхгүй.
Хүн бүрд сахиусан тэнгэр бий. Та өөрийн сахиусыг хэдэн настайг мэдэж болно. Таныг харж хамгаалж явдаг сахиусан тэнгэрийн насыг мэдэхийн тулд өөрийн төрсөн төрсөн сар, өдрийн тоог хооронд нь нэм. Жишээлбэл та 10-р сарын 30-нд төрсөн бол таны сахиусан тэнгэр 40 настай. Мөнхийн 40 настай гэсэн үг, яагаад гэвэл сахиусан тэнгэр хөгширдөггүй юм.
Мөн Сахиусан тэнгэрүүдэд хүйс бий. Таны сахиусан тэнгэр эрэгтэй эсвэл эмэгтэй гэдгийг мэдэхийг хүсч байгаа бол дараах аргаар тооцоолон гаргаж болно. Та төрсөн он, сар,өдрийнхөө тоог хооронд нь нэм. Жишээлбэл та 1998 оны 10–р сарын 30–нд төрсөн бол 3+0+1+0+1+9+9+8=31 болно. Одоо нэг оронтой тоо гаргахын тулд хооронд нь нэм: 3+1=4.
Ингээд хэрэв тэгш тоо бол таны сахиусан тэнгэр эрэгтэй, харин сондгой тоо бол эмэгтэй. Тэгэхээр таны сахиусан тэнгэр 40 настай, эрэгтэй болж таарлаа.
Та дөрвөн махбод байдаг тухай сонссон байх. Харин сахиусан тэнгэрүүд өөрийн махбодтой. Нийт 10 төрлийн махбод бий. Жишээлбэл, таны төрсөн өдөр 2 оронтой тоогоор илэрхийлэгддэг бол 2 дахь цифр нь Сахиусан тэнгэрийн махбодыг тодорхойлдог. Бидний жишээн дээр 30-ны өдөр төрсөн хүн байсан. Тэгэхээр махбод нь 0 гэсэн үг. Харин төрсөн өдрийн тоо нь ганц оронтой тоогоор илэрхийлэгдсэн, жишээ нь 3-ны өдөр төрсөн бол сахиусан тэнгэрийн махбод 3 болно. Ингээд сахиусан тэнгэрийн махбодийг танилцуулъя.
Сахиусан тэнгэрийн махбодууд
1 – “Гэгээрэл” махбод
Толгой дээр нь гэрэлтсэн хүрээтэй, сайхан нүүр царайтай гэгээнтнүүд. Чухам тэднийг дээр үеийн ихэнх уран зураг дээр дүрсэлсэн байдаг. Тэдний үл үзэгдэх жигүүр яг л хөнжил шиг дэлхийг бүхэлд нь хучиж байдаг. Тэд бол хамгийн сайхан сэтгэлтэй сахиусан тэнгэрүүд. Хүнд муу юм тохиолдоход тэд хэзээ ч зүгээр хараад суухгүй. Өөрийн ивээн тэтгэдэг хүн болон бусдад заавал тусалдаг. Иймэрхүү сахиусан тэнгэртэй хүмүүс өөрсдөө ч гэсэн их сайхан сэтгэлтэй.
2 – “Гэрлэн” махбод
Гэгээлэг, нар шиг эдгээр сахиусан тэнгэр асар том цагаан жигүүртэй. Хэрэв энэ сахиусан тэнгэр таныг үнсвэл хацар дээр тань сэвх гарна. Тэгэхээр та нүүрэн дээрх сэвхээ нарны сахиусан тэнгэрийн үнсэлт гэж ойлго. Тэр байнга тантай холбоо тогтоохыг хүсдэг, нэг бол зүүдлэгдэнэ, эсвэл толинд харагдана, өөр дохио тэмдэг ч илгээнэ.
3 – “Хий” махбод
Агаар, салхиар бүтээгдсэн эдгээр сахиусан тэнгэрт тодорхой дүр төрх байхгүй. Том жигүүртэй, гэхдээ харагддаггүй. Тэд жаахан санаа амар гэх үү дээ, үе үе танаас холдож “зугаалдаг”. Харин таныг гуйвал тус болж, таалагдахын тулд юуг ч хийж бүтээнэ.
4 – “Мэргэн ухаан” махбод
Ийм махбодтой сахиусан тэнгэрүүд мэргэн ухаантай, зөн совинтой. Эдгээр чанар нь мөн ивээж буй хүнд нь өвлөгдөн ирдэг. Ийм махбодтой сахиусан тэнгэртэй хүмүүс хичээл сургууль, албан тушаалд өндөр амжилт гаргадаг. Тэр бүү хэл танд зөв шийдвэр, гарцыг үргэлж зааж өгдөг. Та харин анзаарах л хэрэгтэй.
5 – “Төмөр” махбод
Эр зоригтой, хамгаалагч сахиусан тэнгэрүүд энэ бүлэгт хамаардаг. Хүчирхэг хэрнээ хүйтэн жигүүртэй. Таныг уйлж байхад голдуу тан дээр хүрч ирдэг. Та хичнээн их нулимс унагах тутам түүнд төчнөөн хэцүү хүнд болж, тэр хэрээр улам зоригтой болдог. Гэхдээ таныг инээж хөгжиж байхад сахиусан тэнгэр тань орхиод явахгүй. Танд сайхан бол түүнд ч сайн гэсэн үг. Ийм сахиусан тэнгэртэй хүмүүс урт насалдаг.
6 – “Солонгон” махбод
Өнгө өнгийн жигүүртэй хурц тод сахиусан тэнгэрүүд яг л эрвээхэй шиг. Жинхэнэ эрдэнэс гэж тэдгээрийг нэрлэж болно. Тэд гайхалтай лимбэ, хийл хөгжмөөр тоглож, аялгуут хөгжмөөрөө ямар ч уйтгар гунигийг үлдэн хөөж чадна. Ийм сахиусан тэнгэрийн ивээл байдаг хүмүүс яг тэдэн шигээ онцгой, хурц тод, уран бүтээлч, бие хүмүүс байдаг.
7 – “Энерги” махбод
Эдгээр сахиусан тэнгэр хэлбэр дүрс, өнгөө өөрчилж чаддаг. Жигүүр нь мөн адил. Тэд бол энергийн бөөгнөрөл бөгөөд сэтгэл санааны байдлаас хамааралтай. Иймээс хамгийн амархан гомддог сахиусан тэнгэрүүд. Үүний зэрэгцээ тэд үүрд үнэнч шударга. Эдгээр сахиусан тэнгэр зөнтэй зүүдээр дамжуулан үргэлж сэрэмжлүүлж байдаг.
8 – “Хүн” махбод
Эдгээр сахиусан тэнгэр гадна дүр төрхөөрөө жирийн хүмүүсээс ялгаагүй. Жигүүр байхгүй. Тэд бол таныг хайрладаг байсан хүмүүсийн сүнс. Таны төрөл садан эсвэл танилуудын сүнс. Их анхаарал, халамжтай сахиусан тэнгэрүүд. Эдгээр сахиусан тэнгэр таныг хаашаа ч явсан дагаж явдаг, хэзээ ч орхихгүй.
9 – “Дулаан” махбод
Сахиусан тэнгэрүүд өөдрөг үзэлтнүүд. Яг л муурын сарвуу шиг дулаахан, зөөлөн үсэрхэг жигүүртэй. Эдгээр сахиусан тэнгэр танд ойр байхын тулд голдуу таны найз нөхөд, эсвэл амьтны дүртэй болдог. Тэд танд төгс зохицол, зөвшилцлийг бэлэглэдэг.
0 – “Гал” махбод
Яг л галт шувуу шиг амилдаг учраас ялагдашгүй сахиусан тэнгэрүүд. Тэд галт жигүүртэй. Эдгээр сахиусан тэнгэр үргэлж туслахыг хүсч байдаг, жижиг аар саар зүйл дээр ч гэсэн. Тэдний хувьд боломжгүй зүйл гэж байхгүй. Ийм сахиусан тэнгэртэй хүмүүсийг азтай төрсөн гэдэг.