Оросын “Гайхамшигт туралт” сэтгүүлээс нэгэн сонирхолтой дэглэмийн талаар орчуулан хүргэе.

“За энэ дэглэмийг яг маргаашнаас эхэлье” та ингэж бодоод сууж байна уу. Маргааш болохоор дахиад л нэг хоногоор хойшлуулна. Удахгүй найзын төрсөн өдөр болно. Түүний дараа л эхлүүлье гэх мэт. Өөрийгөө залхуу, арчаагүйгээр нь дуудан гутарч сууна уу. Хэрэггүй дээ. Хүн бүрт ийм зан байдаг. Харин бид танд тохирсон дэглэмийг зааж өгье.

Нууц нь энд байна: 1 өдөр дэглэм, 1 өдөр завсарлага

Дэглэм барьж байна хэмээн өөрийгөө хэтэрхий хянах нь эргээд бидэнд сэтгэлээр унах, дахин дэглэм барихаас халшрах гэх мэт муу үр дүнг авчирдаг. Бие махбод ч эсэргүүцэл үзүүлж, өөхөө нөөцлөх сөрөг талтай. Тэгвэл бид танд 1 өдөр дэглэмд, дараагийн 1 өдөр нь завсарла гэж зөвлөх байна. Ганц л амьдрах хорвоод өөрсдийгөө зовоогоод хэрэггүй шүү дээ. Энэ дэглэмийг маш сайн, эргэлт буцалтгүй үр дүн авчирдагийг мэргэжлийн эмч нар баталсан. Хэрэгжүүлээд үзэх үү.

Завсарлагааны өдөрт 1500 калориос бүү хэтрүүл

За энд л гол дүрэм нь оршиж байна. Та 1 өдөр завсарлахдаа хүссэнээ ид. Гол нь 1500 калориос бүү ихдүүл. Хууран мэхлэх өдрүүдэд та энэ аргыг хэрэглэнэ. 24 цагт 1500 калори. Тийм ч бага биш шүү. Сайхан цөцгий, чихэр, ундаа ч ууж болно. Гагцхүү бүтэн өдөрт хязгаар нь 1500 калори л байх юм. Та хүссэнээ идэхдээ сонголтондоо л анхаарчихад энэ тийм ч хэцүү биш. Жишээ нь сүүг сонгохдоо тослог багатайг нь сонгох хэрэгтэй. Ингэснээр та бусад дуртай зүйлсдээ илүү их калорийг зарцуулах эрхтэй болно шүү дээ.

Эхний өдөр: Дэглэмдэх өдөр

Энэ өдөр таны сонголтонд дараах хүнс байж болно. Үүнд: өөхгүй мах, загас, шувууны мах, өндөг, хүнсний ногоо, жим жимсгэнэ, үр тариа. Хүнсээ боловсруулахдаа жигнэх арга хамгийн тохиромжтой. Ус хүссэнээрээ ууж болно. Гэхдээ нэг дор ихээр биш. Тослоггүй сүү ууж болно.

Хоёр дахь өдөр: Завсарлах өдөр

Бид бүгд хүссэнээ иддэг. Гэхдээ хааяа ч болов таны бие хогийн сав биш гэдгийг санаж байх хэрэгтэй. Завсарлагааний өдөр юу ч идэж болно. Гагцхүү 1500 калориас бүү хэтрүүл. Уух зүйлс ч гэсэн мөн адил хүссэнээ уу. Гэхдээ л хамаагүй гээд кола ундааг саваар нь хөнтрөөд байвал  калорийн хамаг эрхээ явуулчих болов уу. Энэ бол таны бие махбодид дасан зохицох хугацаа олгож байгаа завсарлагааны нэг өдөр юм. Тиймээс таны эрүүл мэндэд харшлахгүй.

Ийм л дэглэмийг танд санал болгох байна. Хэдий хугацаанд ч хэрэгжүүлэх боломжтой. Маш хатуу дэглэм рүү сэтгэлийн хөдөлгөөнөөр дайрч орчихоод шантарч байснаас бидний зөвлөгөөг хэрэгжүүлээд үзээрэй. Маргааш гэж дэглэмээ хойшлуулагчдад энэ үнэхээр тохирох арга. Ингэснээр таны хооллолт тэнцвэржиж, аяндаа зөв хооллолтын горимд шилжинэ гэдэгт мөрийцөхөд ч бэлэн байна. Амжилт. Нэг зүйл мартсан байна. Дэглэмдсэн өдрийнхөө маргааш өглөө жингээ үзэж байгаарай.

Сонирхолтой хуваалт, содон материалуудын хослол болсон цуглуулгыг өмнө чинь дэлгэж байна.

goolingoo.mn

Хамгийн сүүлийн үеийн хүүхдийн өсөлтийн тухай онолоор бол нярай нялх үе , бага насны үе болон шилжилтийн – өсвөр насны үеүд нь насанд хүрэх үеийн нурууны өндөрт харилцан адилгүй байдлаар нөлөөлдөг . 2 наснаас өмнө , ялангуяа 1 настай үед нь хоол тэжээл биеийн өндөрт илэрхий нөлөөлдөг бол 2 наснаас хойш , 3 настайгаас эхлэн өсөлтийн даавар илэрхий нөлөөлж эхэлдэг бол шилжилтийн буюу өсвөр насанд бэлгийн даавар нь биеийн өндөрт ихээр нөлөөлдөг . Өсвөр насанд хүүхэд огцом өсөх нь бэлгийн даавар ба өсөлтийн дааврын хамтарсан нөлөөлөл байдаг . Энэ чухал үеүдэд эцэг эхчүүд хүүхдийнхээ биеийн онцлогоос хамаарч зөв зохистой хооллож ундлах хэрэгтэй .

Үргэлж л дотоож, юм уу өмдөөр халхлаатай байдаг учраас бид доод хэсгийнхээ эрүүл ахуй, ариун цэвэр, гоо сайханд нэг их ач холбогдол өгдөггүй. Эсвэл энэ талаар судлахаасаа ичдэг хэрэг. “Тэндэх”-ийн амьдралын талаар найзуудтайгаа ч ярихаас санаа зовмоор асуудал бидэнд өчнөөн тулгардаг. Бид хамгийн түгээмэл хэд хэдэн асуултанд чинь хариулъя.

-Би нэг удаа хайрттайгаа секс хийж байсан чинь гэнэт миний “доодох”-оос сонин хий гарч байгаа юм шиг дуу гарсан. Тэр минь нэг их тоогоогүй ч, би ичсэнээсээ болоод үргэлжлүүлж чадаагүй. Маргааш нь хийхэд дахиад л тэр дуу гарсан. Энэ юу вэ?

-Чамд сайхан мэдээ дуулгахад, сексийн үеэр хий гарах нь маш хэвийн үзэгдэл. Хар ухаанаар тайлбарлавал түүний эрхтэн чинийх рүү орж, гарах завсраар үтрээн дотор чинь хуримтлагдсан хий тийн ялгарч байгаа юм. Бүсгүйчүүд энэ чимээнээс болж сексийн амьдралдаа өөртөө итгэлгүй болдог ч, олонхи эрчүүд үүнийг чихнийхээ хажуугаар өнгөрөөдөг гэнэ. Тиймээс түүнээс айж ичих хэрэггүй. Ихэнхдээ араас хийх буюу “догги” байрлалд ийм чимээ гарах нь их. Иймд үнэхээр ичээд байвал байрлалаа сольж болно. Мөн түүнээс секс хийж байхдаа “өнөөх”-өө чинийхээс бүрэн гаргаж, оруулалгүйгээр тэрүүхэнд нь хөдөлгөхийг хүс. Кегелийн дасгал тогтмол хийх нь ч бас хий ялгарахыг багасгадаг сайн талтай шүү. Гэхдээ хамгийн зөв эмчилгээ бол, ийм чимээ гарах үед ач холбогдол өгөлгүй, инээгээд үргэлжлүүлж сурах юм.

-Нөхөр маань надтай хоёр дахь сүвээр хийж үзье гэж гуйгаад байх юм. Анал секс шамбарам үүсгэх юм биш байгаа?

Хэрвээ чи өөрөө үүнийг туршиж үзэхдээ дуртай, тайван байх юм бол цагаан мах чинь эргэхгүй. Шамбарам бол анусны нүхэнд хэт их ачаалал өгснөөс болж үүсдэг өвчин. Анал сексийг туршиж үзэх үед чамд ямар ч албадуулсан мэт мэдрэмж төрөхгүй байх нь чухал ба чи биеэ сул тавьж, өмнө нь зориулалтын тосоор тослож байгаад оролдоод үзвэл элдэв өвдөлт байхгүй. Зарим судлаачид харин ч анал сексийг шамбарамаас сэргийлдэг гэж үздэг. Учир нь энэ нь тэр хэсгийн арьс, булчинг уян хатан болгодог учраас хэр баргийн даралт, ачаалалд хариу үйлдэл үзүүлэх нь багасдаг байна.

-Би одоо жирэмсэн л дээ. Удахгүй төрөх гэж байгаа. Хүүхэд гаргасны дараа миний үтрээ мэдэгдэхүйц сунах уу?

Төрөлтийн дараа үтрээ 1-4 см-аар сунадаг байгалийн жамтай. Суналтын хэмжээ болон буцаж өмнөх шигээ болох магадлал нь чиний хэр их дүлсэн, хүүхэд чинь хэр том байсан, эх баригч чинь урагдалтыг хэр сайн оёсон, төрөлтийн дараа чи Кегелийн дасгалаа хэр сайн хийснээс шалтгаална. Үтрээ чангалах дасгалыг тогтмол хийж сурвал агшилт нь сайн байх болно.

-Найз залуу минь надад кунинлунгус хийж өгье гэж гуйгаад байна. Гэтэл би “тэндэх” үнэртээ тийм ч сэтгэл хангалуун биш байдаг. Ичимдэг эрхтнээ яаж сайхан үнэртэй болгох вэ?

-Магадгүй чиний эрхтэн харин ч хэвийн үнэртэй байхыг үгүйсгэхгүй. Гэсэн ч чи эмэгтэйлэг эрхтнээ илүү анхилуун болгохыг хүсвэл халуун ногоотой, хурц хоолноос татгалзаж, жимсний шүүс, ус сайн уух хэрэгтэй. Ялангуяа цангис болон хан боргоцойн шүүс уухыг мэргэжилтнүүд зөвлөдөг. Мах, загас, сүү сүүн бүтээгдэхүүн жаахан хурц үнэртэй болгочихдог талтай. Мөн заримдаа хөнгөнөөр бие зассаныхаа дараа хүүхдийн нойтон сальфеткаар арччихаж байгаарай. Ийм сальфетки нь биед харшилдаггүй, зөөлөн чанартай учраас сайн тохирох ба бактерийг устгана. Хэрвээ чиний “тэнд” их хэмжээний үс ургасан бол хайчаар багасга. Хэдий чинээ их үс байна төдий чинээ хөлс ялгарч эвгүй үнэр үнэртүүлж мэднэ.

Хэрвээ чиний биеийн доод хавь өмнө нь хэвийн байснаа, сүүлийн үед л хурц, таагүй үнэртэй болоод байгаа бол бохирдол, бактерийн халдвараас үүдэлтэй байж мэдэх юм. Ийм тохиолдолд эмчтэй уулзана уу. Эрхтнээ тогтмол угаах нь зөв боловч, хэт их угааснаар натураль орчныг нь үгүй хийдэг гэдгийг анхаар.

-Минийх дээр бага зэрэг биржрүү үүссэн байх юм. Үүнийг зүгээр л түр зуурын үзэгдэл, эсвэл бэлгийн замын халдварт өвчин эсэхийг нь яаж мэдэх вэ?

-Бэлгийн херпес буюу үлд байж магадгүй юм. Гэвч үүссэнээсээ хэд хоногийн дараа ч загатнаж өвдөхгүй байвал биш гэсэн үг. Мөн энэ нь Бартолины булчирхайн үрэвсэл хэмээх өвдөлтгүй өвчин байж магадгүй. Энэ нь бохирдлоос үүсэх ба эмчтэй уулзаж антибиотик эмчилгээ хийлгэх шаардлагатай. Эс тэгвэл хагарч идээлж болно. Өөрөө оролдох хэрэггүй, учир нь биеийн бусад хэсэгт чинь халдварлаж мэднэ. Гэхдээ нэг их түгших зүйл биш, ба хэд хоноод эмчлэгдэнэ. Хэрвээ чи тэр хавийнхаа үсийг хусч байсан бол, үс чинь дотогшоогоо ургаад биржрүү үүсгэсэн байж болзошгүй. Биржрүүтэй хэсгийг эвтэйхэн угаагаад хатаах юм бол арьсан дотор чинь орсон үс гадагшаа гарч ирнэ. Тэгсэн ч биржрүү өргөссөн хэвээр байвал эмчээр арьсанд шигдсэн үсийг түүлгэ.

-Би саяхан доод эрхтэндээ piercing ээмэг хийлгэсэн юм. Энэ нь намайг халдварт илүү өртөмтгий болгох уу?

-Ер нь бол тэр хэсэгтээ гадны объект хүргэнэ гэдэг тийм ч сайхан санаа биш. Учир нь ичимдэг эрхтний чийглэг орчин нь ямар ч бактерийг хүлээж авахдаа амархан байдаг.Гэвч хэрэв чи ариун цэврийг сайн сахидаг дархлаа сайтай нэгэн бол piercing чамд гай учруулахүй. Хэрэв ээмэг зүүсэн хэсэг чинь шархалж, үрэвсэж, эсвэл хорсоод байвал даруйхан аваарай. Харшил өгч байж мэднэ.

-Би фитнесс зааланд дасгал хийж байхдаа, сандлан дээр зүгээр сууж байхдаа ч хааяа дур тавьчихдаг. Би гаж донтой юм болов уу?

-Азтай охин минь! Олон эмэгтэйчүүд дур тавьж чаддагүйдээ харамсаж суудаг. Гэтэл чи өдөр тутмынхаа үйл ажиллагаанаас ч тэр цус хөөргөсөн мэдрэмжийг амсдаг юм байна шүү дээ. Энэ нь огт муу зүйл биш. Чиний ичимдэг эрхтэн бусдаас илүү эмзэг юм байна. Зүгээр л эротик бодолд автаж суухдаа дур тавьдаг хүн ч байна. Дугуй унаж, булчингаа чангалж суллах, хүчтэй найтаахын төдийд л оргазмыг авдаг бүсгүйчүүд ч байдаг. Хэрвээ чи олон хүний дунд норж байгаагаа мэдэгдүүлэхийг хүсэхгүй байвал “өдөр тутам” гэж бидний нэрлэдэг нимгэн ариун цэврийн хэрэглэл хийж байгаарай.

-Сексийн үеэр хоолоор тоглож болох уу? Үтрээнд хийхэд аюулгүй хүнс гэж байдаг уу?

-Үтрээний бактериуд чихрээр хооллодог учраас өтгөн крем, зөгийн бал, жимс зэрэг чихэрлэг хүнс “тийшээгээ” оруулж болохгүй. Энэ нь өлсгөлөн байсан бактериудыг хооллож үржихэд нөлөөлөх ба яваандаа өвчин үүсгэнэ. Мөн чихэрлэг хүнс нь чиний үтрээг хамгаалдаг хүчиллэг орчинг үгүй хийх тул халдварт өвчинд мэдрэмтгий болгоно. Түүнчлэн тосорхог хоол нь угаахад хэцүү бөгөөд бактериудыг тэнд нь хорьдог юм. Зөвхөн гэдэс, хөх, өгзөг зэрэг үтрээнээс хол хэсгүүдэд л эдгээр төрлийн хүнсийг хүргэж болно. Аюулгүй аргыг сонгож, бие биенийхээ ам руу шоколадтай гүзээлзгэнэ хийж тогло. Бүр дүрсгүйтмээр байвал цээжин дээгүүрээ крем асгаад хамтрагчаараа долоолго. Мөн гар хангалга хийхдээ лууван, өргөст хэмх зэрэг гонзгой бүтээгдэхүүн хэрэглэх хүсэлтэй бүсгүйчүүд байдаг. Тэдэнд зөвлөхөд эхлээд тус бүтээгдэхүүнээ маш сайн угааж, зайлаарай. Нэгэнт идэхгүйгээс хойш бэлгэвч углаж байгаад хийсэн ч болно.

-Миний ичимдэг эрхтний үс хэтэрхий ширүүн ургаад байх юм. Аман сексийн үед найз залуугийн минь эрүүг урах вий гэж айх юм. Яаж зөөлрүүлэх вэ?

-Тэр хавийн үс ч бас, үс учраас онцгой арчилгаа шаардлагатай. Шүршүүрт орж байхдаа зөөлөн шампуниар угааж, ангижруулагч түрх. 60 орчим секундын дараа сайтар зайлаад, алчуураар арчиж, агаарт хатаа. Гэхдээ зөвхөн гадна талын үсэнд л шампунь хүргэж болно шүү. Ихэнх биеийн саван тэр хэсгийн арьс, үсийг хуурайшч ширүүсэхэд хүргэдэг. Мөн ваннанд орсныхоо дараа чийгшүүлэгч тос түрх.

“Universe best songs” тэмцээнээр олны танил болж өдгөө хэдийнэ өөрийн гэсэн сонсогчидтой болсон дуучин Ч.Цэлмүүнтэй ярилцлаа. Түүний “Хайрласан болохоор”, “Хүлээлт”, “Сэтгэл” гэх дуунууд залуусын сонсох дуртай уран бүтээл болсон билээ. Тэрбээр шинэ цомгоо удахгүй гаргахаар болжээ.

-Шинэ цомог гаргах гэж байгаа гэсэн. Сүүлийн үеийн уран бүтээл болоод цомгийнхоо талаар мэдээлэл өгөөч?

-Шинэ уран бүтээл, цомгийн ажил гээд энэ зун нилээд ажилтай байлаа. Миний бие даасан хоёр дахь цомог гарахаар бэлэн болсон байгаа, энэ сарын сүүлээр хэвлэлтэнд орохоор болсон. Хоёр дахь цомогт маань долоогоос найман дуу багтах юм. “DEFINED” гэсэн нэртэй цомог бий. Цомогт маань багтаж буй уран бүтээлүүдээ эхнээс нь үзэгчиддээ хүргэж байгаа. Саяхан “Бидний хайр” хэмээх дуугаа цацлаа. Үзэгчид маань шинэ дуунд минь ам сайтай байгаад баяртай байна. Миний хамгийн анхны цомог маань “Exodus” буюу “Гэрлийн улирал” гэсэн нэртэй байсан. Этгээд нэртэй уг цомгийн нэр нь амьдралын хар бараанаас гэрэл гэгээ рүү гарах гэсэн утгатай өгч байсан юм. Энэхүү цомогт маань нийт 15 дуу орсон. Цомог дахь дуунуудын ихэнхийг нь аав маань зохиож байлаа.

-Хоёр дахь цомгоо гаргах гэж байна, тоглолт хийнэ гэсэн бодол байна уу?

- Би энэ оны аравдугаар сард Япон руу докторын зэрэгт сурахаар төлөвлөж байгаа. Ойролцоогоор дөрвөн жил болох байх. Тиймээс явахаасаа өмнө ирэх есдүгээр сард тоглолт хийнэ.

-Францын дуучны клипний зураг авалтаар Хөвсгөлийг зорьсон гэсэн. Хамтарч уран бүтээл хийх үү?

-Хөвсгөл рүү Францын Petite Meller гэх дуучинтай хамт түүний шинэ дууны клипний зураг авалтанд явсан. Хамтарч дуу хийхгvй ч миний дуунд клип хийх тухай яригдсан байгаа. Petite Meller дуучны “The flute” дууны клипийг хийсэн. Энэ дуу ирэх есдүгээр сард цацагдана.

-Та “MIU”дээд сургуулийг биотехнологич, хүнс судлаач мэргэжлээр төгссөн. Яагаад энэ мэргэжлийг сонгох болсон бэ?

-Би 15 настайдаа оюутан болж байсан. Энэ мэргэжлийг сонгоход гэр бүлийнхэн маань нөлөөлсөн. Энэхүү биотехнологич мэргэжил нийгмийн бүх салбар руу хөрвөх боломжтой. Аав, ээж, өвөө, эмээ, ах, эгч гээд бүгдээрээ эмч, эмнэлэг, анагаах ухааны чиглэлийн мэргэжилтэй хүмүүс байдаг. Тэр ч утгаараа энэ мэргэжил надад илүү ойр байсан. Би биотехнологи, хүнс судлаачаар төгсчихөөд АШУҮИС-ийн Нийгмийн эрүүл мэндийн сургуульд үргэлжлүүлэн суралцсан юм. Мөн 2014 онд Токио хотод очиж 25 орны залуу эрдэмтэдтэй судалгаагаараа өрсөлдөж, илтгэл тавин түрүүлж байсан. Энд нэг зүйлийг хэлэхэд манай Монголын боловсролын системд оюутан залуусыг мэргэжлээ зөв сонгоход нь туслах, чиглүүлэх хүчин зүйл байх хэрэгтэй юм шиг санагддаг. Монгол Улсын хөдөлмөрийн зах зээл дээр ямар мэргэжил эрэлт хэрэгцээтэй байгаа вэ гэдгийг залууст ойлгуулж өгөөсэй гэж хүсдэг юм. Тэгэхгүй бол бүгд л эмч, сэтгүүлч, дуучин болно гэж туйлширч болохгүй. Монголд байхгүй, хөгжөөгүй мэргэжлүүд маш их байдаг.

- Та өөрийн гэсэн шүдний эмнэлэгтэй болсон. Үүний хажуугаар мэргэжлээрээ ажиллаж байна уу?

-Би “Монгол Улсын Эмнэлгийн мэргэжилтний чадавхийг бэхжvvлэх” төслийн координатороор ажиллаж байгаа. Уг тесел нь ЭМХТ, АШУҮИС, Сеүлийн Үндэсний их сургуулийн хvрээнд амжилттай хэрэгжиж байна. Үүний хажуугаар “Агапе” шүдний эмнэлэг ажилуулж байгаа. Тус эмнэлэг маань 2013 онд нээгдсэн. Мөн эдгээр ажлуудынхаа хажуугаар уран бүтээлээ сонсогчиддоо хүргэхээр явж байна. Одоогоор Хөх хотын Ордос руу дуучин Т.Дэлгэрмөрөн, Н.Агиймаа, “Andra” загварын агентлагийнхан гэсэн бүрэлдэхүүнтэй гурван өдөр тоглолт хийхээр явах гэж байна.

- Цэлмүүн багадаа ямар охин байв. Бага насныхаа тухай хуваалцаач?

- Би дуу муутай ангидаа хоёр л найзтай, бусадтай нь төдийлөн нийлээд байдаггүй охин байсан. Зун болохоор бор дээрээ бүр борлочихно. Би нэг ахтай, нэг эрэгтэй дүүтэй. Үеэлүүд маань бараг бүгд эрэгтэй болохоор нилээд эршүүд өссөн дөө. Би багадаа цэрэг болохыг мөрөөддөг байсан. Аав маань “Эмэгтэй хүүхэд тодорхой хэмжээгээр өөрийгөө хамгаалж чаддаг байх хэрэгтэй” гээд зодооны урлаг зааж өгдөг байсан болохоор дайчин талдаа шүү. Сургуульд байхдаа гэр сургуулийнн хооронд л явна бас сагс их тоглодог байлаа. Харин “Universe best songs”-д ороод л нүүр хагарсан даа.

-Та 16 настайдаа “оюутан мисс” болж байсан гэсэн. Энэ талаараа яриач?

-2008 онд оюутан мисс болж байсан. Тус тэмцээнд түрүүлсэн нь Непал улс руу Монгол Улсаа төлөөлөн оролцох ёстой байсан. Гэсэн хэдий ч би явж чадаагүй юм. Учир нь Непалд болох тэмцээнд олон улсын оюутан миссүүд оролцоно гэдэг утгаар өмнөх шалгуурууд нэмэгдсэн. Тэр дунд нь бикинитэй гарах гараа байсан юм. Энэ нь надад нэлээн хүнд туссан л даа. Учир нь миний хувийн үзэл бодол энэ шалгууртай зөрчилдсөн. Тиймээс өөр охин миний оронд явсан юм. Хүмүүсийн ойлголтоор бикини хувцас өмсөөд алхах нь загвар өмсөгч хүний хийх ёстой зүйл гэж бодох байх л даа. Гэхдээ Цэлмүүн гэдэг хүн олны өмнө өөрийгөө бикинитэй харагдуулахыг хүсээгүй байж болно шүү дээ.

- Асрамж, сувилалд буй хүмүүст тусалдаг байсан гэсэн үү?

-“Universe best songs” тэмцээнд түрүүлчихээд жил гаруйн дараа сувилалд сайн дурын ажил хийдэг байсан. Тэнд өвчтэй, хөдөлж чаддаггүй хязгаарлагдмал хүмүүс их байв. Миний эмээ өвөө шиг л хүмүүс байдаг. Үр хүүхдүүд нь ч эргэж очдоггүй. Миний санаанаас нэг зүйл гардаггүй юм. Би бээлий өмсчихсөн ариун цэврийн өрөө цэвэрлэчихээд гарч ирж байсан юм. Гэтэл нэг өвчтөнийх нь ар гэрийнхэн нь ирчихсэн байсан. Гэтэл над руу энэ энд яг юу хийж яваа юм бол гэсэн байдлаар их сонин харсан. Манай монголчууд олны танил хүн ганган хээнцэр байх ёстой гэсэн бодолтой байдаг. Хүн дандаа сайхан явна гэж байхгүй шүү дээ. Би ер нь энгийн л байх дуртай, ямар ч үед өөрийнхөөрөө л байхыг эрхэмлэдэг юм.

-Таны дуунуудад хайрын дуу зонхилдог. Хайр гэдэг таны бодлоор?

- Хайр гэдэг хүлцэнгүй байж, бууж өгч чаддаг, хайртай хүнээ хүлээн зөвшөөрөхийн нэр байх. Өөрийнхөөрөө байхад нь ч хайрлаж чадахыг, уучлахыг хайр гэнэ гэж боддог. Дууны хувьд хайр бол мөнхийн сэдэв шүү дээ. Бас тухайн дууг сэтгэл зүрхнээсээ дуулж байж л илүү хүрнэ байх. Түүнээс яг ийм сэдэвтэй дуу илүү хүрнэ гэсэн зүйл байхгүй болов уу. Би зөвхөн хайр дуулаад байхыг хүсдэггүй. Бусдад итгэл найдвар, ухаарал өгч дуулахыг хүсдэг. Нэг ч болтугай хүний амьдралын хэцүү мөчид сэтгэлийн тэнхээ өгөхөөр дууг дуулах юмсан гэж боддог.

-Таны бодлоор гэр бүл салалтын гол шалтгаан нь юунаас үүсдэг вэ?

-Манай улс гэрлэлтийн дундаж насаараа бусад орнуудтай харьцуулвал нилээн залууд тооцогддог. Дөнгөж 20 нас гараад л ихэнх нь гэрлэдэг. Мэдээж хүнээ зөв таньж суух нь чухал, гэр бүл болоод ирэхээр яг нэг баг шиг байх хэрэгтэй. Нэг зорилготой, нэгнийгээ дэмждэг байх нь оршин тогтнохын үндэс байх. Харин эсрэгээрээ нэг нэгнийгээ дэмжихгүй, өөр зорилготой байвал салалтын гол шалтгаан болно гэж бодож байна.

-Та англи хэлээр маш сайн ярьдаг. Хэл сурч буй залууст юу гэж зөвлөмөөр байна вэ?

- Би англи хэлийг бие дааж сурсан. Хүн ер нь өерийн сурах арга барилаа олж чадсанаар аливаад амжилттай суралцана гэж би боддог. Хамгийн зөв шийдэл бол едер тутмын хэв маягтаа еерчлелт хийх. Тухайлбал, кино vзэхдээ орчуулагагvй vзэх, олон улсын мэдээ vзэж хэвших гэх мэт. Түүнчлэн оюутан залуустаа том амжилтад хүрэхийн тулд өнөөдөр байгаа энгийн жижиг зүйлсийг хийж сурах ёстой шүү. Өнөөдөр хийх ёстой, хийж чадах зүйлсээ сайн хийгээрэй. Аливаа зүйлд битгий өнгөц хандаарай гэж хэлмээр байна. Амжилтандаа ханаж болдоггүй юм билээ. Үргэлж л чадахгүй, мэдэхгүй байна гэж бодож ихийг мэдэхийг хичээх нь зүйтэй. Залуус бид л хөдөлмөрлөж ихийг сурч, мэдэж байж ирээдүйд гэрэл болж чадна шүү дээ.

О.АРИУНЦЭЦЭГ

Орц: Үхрийн хавирга, лууван, төмс ,манжин, чавга,
Амлагч хийх орц: Сое соус буюу канжан солонгос цуу, элсэн чихэр, лийрийн шүүс, чамкрим буюу гүнжидийн тос, сармис , гучугару.

Дэлхий нийтээр иогоор хичээллэх иргэдийн тоо өдрөөс өдөрт нэмэгдэж байгаа. Тэр тусдаа бие давхар эхчүүд иогоор хичээллэх нь ихэсчээ. Мэдээж иогоор хичээллэх нь маш олон сайн давуу талтай байдаг учраас бие давхар бүсгүйчүүд маань энэ дасгалыг сонгосон биз ээ. Иог бол эрүүл мэнд, биеийн жин, гоо сайхан зэргийг төгс хангахад зориулагдсан дасгал. Түүнээс гадна сэтгэл санааг ч засаж, стресснээс ангижруулах ид шидтэй. Зориулалтын багш, сургалтын төвөөс гадна гэрийн нөхцөлд хичээллэж болдог гэдгээрээ зардал бага ч үр дүн сайтай юм. Гэхдээ хүний биеэс ихээхэн хэмжээний энерги шаардаж, цаг гаргах шаардлагатай байдаг. Иогийн дасгалыг өглөөний цагаар хийхэд хамгийн үр дүнтэй. Ажил хичээлдээ явахаасаа өмнө өөртөө дасгал хийх цаг гаргаарай. Энэ нь дасгалыг үр дүнтэй болгохоос гадна, өдөржингөө цоглог байж, биеийг чинь гэнэтийн гэмтэл согогоос хамгаалдаг. Учир нь иогоор хичээллэсэн хүн уян хатан болж, хөдөлгөөний идэвх, сонор сэрэмж сайжирдаг.

“Би” гэсэн хариулт бүртээ нэг оноо өгөөрэй.

1. Та хоёрын хэн нь илүү амьдралын идэвхтэй байдаг вэ?
2. Хэн нь хүүхдүүдтэйгээ цагийг илүү их өнгөрүүлдэг вэ?
З. Та хоёрын хэнээс нь хүүхэд тань илүү зөвлөгөө авдаг вэ?

4. Эцэг эхийн хуралд хэн нь гол төлөв суудаг вэ?
5. Хүүхдийнхээ баярыг ер нь хэн нь гол төлөв зохион байгуулдаг вэ?
6. Хэн нь их ном сэтгүүл уншиж, өөрийгөө боловсруулдаг вэ?

7. Та хоёрын хэн нь гол төлөв гэртээ оройтож ирдэг вэ?
8. Амралтаараа хаашаа явахаа хэн нь төлөвлөж гаргадаг вэ?
9. Хэн чинь илүү сэтгэлээр амархан унадаг вэ?

10. Харин эсрэгээрээ хэн нь илүү сэтгэлийн хөөрөлтэй бас цухалдуу вэ?
11. Хэнийх нь төлөвлөсөн ажил илүү хэрэгждэг вэ?
12. Хэн нь илүү их мөнгө олдог вэ?

13. Хэн чинь үргэлж гэрээ цэвэрлэж, хогоо гаргаж хаядаг вэ?
14. Хэн нь гол төлөв хоолоо хийдэг вэ?
15. Хэн чинь илүү хоол хүнсээ цуглуулж дэлгүүр явдаг вэ?

16. 3урагтны өмнө хэн нь илүү цагийг өнгөрүүлдэг вэ?
17. Найз нөхдөө гэртээ хэн нь гол төлөв урьдаг вэ?
18. Хэнд чинь илүү их чөлөөт цаг гардаг вэ?

19. Гэр бүлийн төсвийг хэн нь төлөвлөж гаргадаг вэ?

10 болон түүнээс бага оноо: Та хоёрын үүрэг эрх тэгш байгаа гэж бодож байна уу? аль болох гэр бүлийнхээ хүрээнд илүү их цагийг өнгөрүүлэхийг хичээгээрэй.

11-13 оноо: Та хоёрын хувьд бол амгалан тайван байх тал дээр асуудалгүй юм байна. Учир нь та хоёр эрх тэгш байж чаддаг бололтой.

14 болон түүнээс дээш: Гэр бүлийнхээ хүнийг гэрийн ажилдаа татан оролцуулах тал дээр сонирхлыг нь бий болгож өгөх хэрэгтэй. Жаахан зүйлд ч гэсэн магтаж байгаарай. Аль болох цагийг хамтдаа өнгөрүүлээрэй.

Хүүхнүүдийн ихэнх хувь нь өөрийгөө тарганд тооцдог. Харин зарим нь илүү жинтэйгээ мэдэхгүй, өөрийгөө “мах шөл тэнцүү” гэж бодож байж ч болох юм. Иймд,юуны өмнө таны хувьд турах шаардлага байна уу, үгүй юу, байгаа бол хэдэн кг турвал зохистой вэ гэдгийг зөв тодорхойлох хэрэгтэй. Сүүлийн жилүүдэд илүү жингийн зэрэглэлийг тогтооход чиглэсэн хэдэн арван шинэ томъёо гарсан боловч,одоогоос 150 жилийн өмнөөс хэрэглэгдэж ирсэн “Биеийн жингийн индекс” /БЖИ/ хэмээх томъёо хамгийн тохиромжтойд тооцогдсоор байна.

Жинсэн даашинз

Өргөн өмд

Том захтай цамц

Өндөр суудалтай шорт

Трапецин жинс

Зурагтай футболк

Boyfriend жинс

Урт эрээн бие барьсан даашинз

Комбинезон

Мини юбка

Цэцэгтэй даашинз

PHOTONEWS.MN

Та гадаад хэл сурахдаа их цаг зарцуулж байна уу. Эсвэл яаж сурах аргаа олохгүй байна уу?

Тэгвэл Крис Лонсдалийн бичсэн “Хагас жилийн дотор гадаад хэлийг сурах 7 арга” зөвлөмжийг танилцуулъя. Тэрээр хагас жилийн дотор Хятад хэлийг бүрэн эзэмшсэн юм.

Та доорх 7 аргыг мөрдөж чадвал хэл сурах явцаа өөрөө удирдаж чаддаг болох ба богинохон хугацаанд гадаад хэлийг бүрэн сурах боломжтой.

1. ТУХАЙН ХЭЛ ДЭЭРХ КИНО ҮЗЭХ, ЭСВЭЛ ДУУ, РАДИО СОНСОЖ ХЭВШЭЭРЭЙ

Та сурмаар байгаа хэлээ эхлээд зөв сонгоорой. Тухайн улсад очих суралцах мөрөөдөлтэй, эсвэл түүх соёл нь таалагддаг, дуудлага нь гоё сонсогддог гэх мэт ямар нэгэн шалтгаантайгаар сураарай. Тэгээд тухайн хэл дээрх кино үзэх, эсвэл дуу, радио сонсож хэвшээрэй. Тэгснээр та зөв дуудлагаар нь ярьж чаддаг болно. Хэрвээ та кино үзмээр байгаа бол  losmovies.ws, playmoviez.co руу ороод үзэж болно.

2. ШИНЭ ҮГ ЦЭЭЖЛЭХ БИШ ЭХЛЭЭД УТГЫГ НЬ ОЙЛГОХ ХЭРЭГТЭЙ

Аливаа шинэ үгийг сурахдаа шууд цээжлэх биш эхлээд утгыг нь ойлгоорой. Тэгээд сурсан үгээ өдөр тутамдаа ашиглаарай. Тэгвэл маш хурдан цээжлэгдэх болно. Эсвэл gamestolearnenglish.com руу ороод л тоглоом тоглонгоо цээжилж болно.

3. ШИНЭ ҮГЭЭ НЭР ҮГ, ҮЙЛ ҮГ, ТЭМДЭГ НЭР ГЭЖ ХУВААЖ ЦЭЭЖЛЭХ

Хэрвээ шинэ үгнүүдээ та нэр үг, үйл үг, тэмдэг нэр гээд ангилаад цээжилчихвэл дүрмээ сайн мэдэхгүй байсан ч хэлмээр байсан зүйлээ ойлгуулж чадна. Та learn-english-online.us/ сайтаар ороод өөрийгөө шалгаж, илүү их тэмдэг нэр, үйл үг сурах боломжтой.

4. ХАМГИЙН ИХ ХЭРЭГЛЭГДДЭГ ҮГСИЙГ ЦЭЭЖЛЭХ

Англи хэлэнд гэхэд өдөр тутам хэрэглэгддэг 1,000 үг байдаг. Хэрвээ та эдгээр үгийг хэрэглээд сурчихвал тухайн хэлээр ярьж буй хүмүүсийн өдөр тутмын харилцан ярианы 85 хувийг ойлгох боломжтой юм. Тиймээс шинэ хэлийг сурахаар шийдсэн бол эхлээд хамгийн их хэрэглэгддэг үгсийг сураарай. Тухайлбал, www.englishspeak.com сайтаас ороод шинэ үг сурч болно.

5. АДИЛ ЗОРИЛГОТОЙ ХАМТРАГЧТАЙ БОЛООРОЙ

Та гадаад хэл сурч байхдаа өөрийгөө хуурч эсвэл бусдаас ичээд ярихгүй байх үе байдаг уу?

Тэгвэл та адилхан зорилготой, сайн хамтрагчтай болоорой. Яагаад гэвэл таны хамтрагч таныг алдаж байвал бурууг нь зааж, зөвлөх учраас тэр.

6. ТУХАЙН ХЭЛЭЭР ЯРЬЖ БУЙ ХҮМҮҮСИЙН АМНЫ ХӨДӨЛГӨӨНИЙГ НЬ ДУУРАЙГААРАЙ

Тухайн хэлээр ярьж буй хүмүүсийн амны хөдөлгөөн болон нүүрний хувирлыг нь сайтар ажиглаж, дуурайгаарай. Тэгж байж зөв дуудлагаар ярьж чадах болно. Мэдээж анх сурч байхад хэн ч гэсэн буруу дуудлагатай ярих үе байдаг. Энэ л үед та шантралгүй бага багаар урагшлах хэрэгтэй. Яагаад гэвэл хэн ч гэсэн анхнаасаа 100% шилдэг байдаггүй.

7. СУРЧ БАЙГАА ХЭЛЭЭРЭЭ БОДОЖ СУРАХ НЬ ЧУХАЛ

Хүн бүр гадаад хэлийг сурахдаа заавал унаган хэлээрээ орчуулаад, дараа нь сурч буй хэл рүүгээ хөрвүүлэн бодож байдаг. Гэтэл энэ арга нь маш их цаг шаарддаг. Тиймээс та тархи болон сэтгэл зүрхээ сурч байгаа гадаад хэл рүүгээ төвлөрүүлж, тухайн хэлээрээ сэтгэж, ярьж сурах нь хамгийн чухал. Хэрвээ та анхнаасаа энэ арга барилаар сурч чадвал ямар ч хэлийг төвөггүйхэн сурч чадах болно. Тиймээс сайн ойлгохгүй байсан ч тухайн хэлээр ярьж, бодох гэж хичээгээрэй​.

Эх сурвалж: tabi-labo.com

Та нарийхан бэлхүүстэй болж гэдэснийхээ тарган ѳѳхнѳѳс салмаар байна уу? Тэгвэл та доорхи хооллолтийг сонгоорой.

1. Алмонд Самар
Протин, файбар болон витамин E-ээр дүүрэн байдаг ба цусны сахарын хэмжээг нормал болгодог. Ингэснээрээ хүн хүн бага ѳлсдѳг бѳгѳѳд турахад хэрэгтэй.

Ѳдѳрт 23ш Алмонд идвэл сайн ба таньд eрдѳѳ 160 Калор ѳгдѳг байна.

2. Ѳндѳг
Ѳндѳг мѳн л их хэмжээний протин амино асидаар дүүрэн бѳгѳѳд таныг гэнтийн ѳлсѳлтѳѳс сэргийлж дүүрэн цатагалан мэдрэмжтэй байлгаж чаддаг. Ингэснээрээ та тэр ѳдѳртѳѳ чихэрлэг торт гэх мэт таргалуулах хоолоос хол байж чадна.

Ѳглѳѳ бүр 1ш ѳндѳг идэх.

3. Алим
Дунд зэргийн хэмжээний алим нь дотроо 5гр файбартай, мѳн 85% нь уснаас бүрддэг байна. Тийм ч учраас алим нь хүний дотоод биe цэвэрлэхэд нэн тустай. Мѳн алим идсэнээрээ та гэдэс дүүрсэн мэд мэдрэмж авж бага ч иддэг болно.

Ѳдѳрт 2ш буюу түүнээс дээш.

4. Жимс
Та байнга ѳдѳр тутамынхаа хоолонд заавал тодорхой хэмжээний жимс оруулаарай. Гүзээлзгэн, мандарин, манго, пийрс гэх мэт. Хааяа хааяа амттай юм идэх хүсэл тѳрвѳл та жимсээрээ орлуулж ѳгвѳл маш сайн.

5. Тараг
Тараг зѳндѳѳ их сайн бактeр ихтэй ба гэдэсний үйл ажиллагаанд сайн. Мѳн та тарагнаас калци авдаг ба энэ нь мѳн таньд эрч хүч ѳгнѳ. Та тарагаа сонгохдоо холицгүй дан мѳн чихэр багатай тараг сонгоорой, ингэснээрээ дотрох сайн бактeр улам их байдаг.

Ѳдѳрт 2-3 аяга тараг уугаарай.

6. Ногоотой шѳл
Судалгаагаар ѳдѳрт 2 удаа ногоотой шѳл иддэг хүмүүс зүгээр 2 удаа хоол иддэг хүмүүсээс илүү жин хасаж чадсан байна.

Ѳдѳрт ядаж 1 удаа ногоотой шѳл идээрэй.

7. Салмон загас
Салмон загас Омeга 3-aaр дүүрэн байдаг ба энэ таны тарган эсүүдийг устгахад тустай. Мѳн цусан дахь инсилин хэмжээг тогтворжуулж чаддаг байна. Таны цусан дахь инсилин тогтвортой байваас таны биeн дэхь сахарны хэмжээ мѳн тогтвортой байж та бага ѳлсѳлтийн мэдрэмж тѳрж бага ч иддэг болно.Oмeга 3 мѳн зүрх, судсанд сайн байдаг.

Ѳдѳр аль болох загас идэхийг бодоорой, тэгтээ манай оронд загас тийм илбэг биш ч гэсэн та Омega 3 загасны тосон эм бэлдмэл ѳдѳрт 1-2ш ууж болно.

Сүүлийн үед жүжиглэхээсээ илүү хүмүүнлэгийн төсөл хэрэгжүүлж нийгмийн салбарт ажиллах болсон Г.Ундармаа удахгүй үзэгч түмэнтэйгээ уулзах нь ээ.

“Single ladies”, “Тю тю” “Single ladies”-2 зэрэг киногоо үзэгчдийн хүртээл болгож чамгүй өндөр үнэлгээг авсан. “Шинэ үе” продакшнаасаа юуны учир гарсан нь өнөөг хүртэл тодорхойгүй байдаг. Ямартай ч хамгийн ахлагч, жүжигчин Бооёо олон нийтэд хандаж хэлэхдээ “Манай жүижигчин Г.Ундармаа чөлөө авсан байгаа” гэсэн удаатай. Тэгвэл жүжигчин бүсгүй маань удтал тайзнаа гараагүй явсаар “Х түц” хамтлагийн шинэ шоу тоглолтод тогложээ. Үүнийг нь харсан хүмүүс түүнийг хуучин хамтлагаа орхиж, Х Түц рүү урваж байгаа юм байх гэх таамагийг дэвшүүлээд байна. Удахгүй учиг нь тайлагдах биз ээ.

Яншуй: Эрхэмсэг амтлагч. Ялангуяа шөлтэй хоолыг гойд сайхан амт оруулдаг. Давсаг бөөрний өвчин, ядаргаанд яншуйг эмийн журмаар хэрэглэсээр иржээ. Өдөр бүр яншуйтай хоол иддэг хүн хөнгөн шалмаг, тамир тэнхээ сайтай болдог байна. Яншуйг хоол хүнсэндээ хэрэглэх нь эрүүл мэндэд тустай төдийгүй түүгээр гоо сайхны бүтээгдэхүүнийг орлуулж болно.

Жишээлбэл, гэрэлтсэн, гоё нүдтэй болохын тулд яншуйг жижигхэн хэрчинэ. Нүдээ аниад хэрчсэн яншуйгаа зовхин дээрээ тавиарай. Дээр нь чийгтэй марль эсвэл хөвөн тавих хэрэгтэй. 15 минутын дараа зовхио буцалсан бүлээн усаар угаана. Энэ гайхалтай маск мөн зовхины арьсыг чангаруулж, толигор болгодог. Харин доод зовхинд төмсөөр маск тавих хэрэгтэй. Түүхий төмсийг үрж, дээр нь 2 цайны халбага гурил, 2 цайны халбага сүү нэмээд холино. Ингээд маск бэлэн болно.

“Энийг өмсвөл би тарган харагдаж байна уу?” Та энэ асуултыг дор хаяж өдөрт 2-3 удаа хэн нэгнээс асуудаг байх. Эмэгтэй хүмүүс бүгд л тарган байсан ч туранхай, туранхай байсан ч илүү гоолиг туранхай харагдахыг л хүсдэг. Харин буруу хувцалсанаас болж хэдий гуалиг биетэй нэгэн байсан ч тарган, эв хавгүй харагддаг юм. Ингээд биднийг тарган харагдуулдаг буруу хувцаслалтуудыг танилцуулж байна.

Хэт бариу даашинз

Хэрэв та өндөр туранхай харагдахыг хүсвэл хэт бариу даашинз сонгохгүй байхыг зөвлөе. Учир нь энэ төрлийн даашинз биеийн галбирыг илүүтэй тодотгож өгөх тул таны асуудалтай хэсгийг тодоос тод гээч нь харагдуулдаг юм. Хэдий та тарган биш буюу яг өөртөө таарсан махтай байлаа ч энэхүү даашинз нь багахан унжих гэдсийг тань хүртэл 2-3 дахин томруулж харагдуулдаг. Иймд та фитнесс модель шиг төгс биетэй биш л бол хэт бариу даашинз битгий өмсөж байгаарай.

Урт дэрвэгэр юбка

Сүүлийн үед тус төрлийн юбка нь трэнд болж, охидын хамгийн ихээр өмсөх хувцас болсон билээ. Харин урт юбкыг намхан бүсгүйчүүд өмссөний хэрэггүй. Бид өөрсдийнхөө алдаа дутагдлыг нуух гэж л хувцасладаг шүү дээ. Хэрэв намхан хүн урт юбка өмсвөл улам намхан, тагжгар харагдах бол тарган хүмүүс өмсвөл илүү бүдүүн, палбигар харагдуулдаг сул талтай. Үнэхээр хүсээд өмссөн тохиолдолд заавал өндөр өсгийтэй гутлаар гоёорой.

Бариу жийнс

Туранхай, гуалиг бүсгүйчүүдийн тухайд энэ бол төгс сонголт. Харин мяраалаг бүсгүйчүүдийн тухайд таныг улам тарган харагдуулах тул татгалзахыг зөвлөе. Үүний оронд шулуун хар болон бараан өнгийн өмд таныг илүү туранхай, галбирлаг харагдуулна. Мөн бүдүүн шилбэтэй, өргөн гуятай охидод ч мөн хэт бариу жийнсийг өмсөхгүй байх нь зохилтой. Энэ нь яг л барби хөлтэй охидод зориулсан мэт хувцас гэлтэй.

Хээ болон судалтай өмд

Та хэт тарган биш хэвийн жинтэй нэгэн байлаа ч хээтэй өмд өмсвөл байгаагаасаа 20 хувиар тарган харагддаг гэдгээ мэдэх үү? Гуя, таазыг илүү өргөн болгож харагдуулах төдийгүй таны загварын мэдрэмжийг бусдад бэлээхэн илтгээд өгнө. Харин босоо зураастай буюу дээрээс доош судалтай өмд нь таныг илүүтэй туранхай, гуалиг, галбирлаг харагдуулдаг юм шүү.

Шилбээр татсан урттай өмд

Шагайны дээгүүр татах өмд нь танд яг л багадсан, арай хийж чихэж оруулсан мэт харагдуулна.  Гуталны яг дээхнэ шуумагтай өмд нь илүү өргөн, богино хөлтэй мэт бусдад харагддаг байна. Иймд та заавал богино шуумагтай өмд гэлтгүй шулуун, бариу банзлыг сонгоод үзээрэй. Энэ нь таны асуудалтай хэсгийг далдалж, галбирлаг харагдуулна. Мөн энэ нь хэт урт бол зохимжгүй тул өөрт тохируулан сонгоорой.

Том, хэлхгэр цамц

Зарим хүмүүс тарган хүн нэвсгэр хувцас өмсвөл илүү аятайхан харагддаг хэмээдэг. Гэвч энэ нь өрөөсгөл ойлголт юм. Эсрэгээрээ улам том биетэй, навсгар харагдуулах тул яавч сонгож болохгүй. Та үнэхээр сайхан болон туранхай харагдахыг хүсвэл нимгэн болоод өөрт яг таарах хувцсаа сонгоорой. Мөн хэвийн буюу өөрт яг таарсан жинтэй бүсгүйчүүд ч гэсэн хэт томдсон цамц өмсөх нь тарган харагдуулах сөрөг талтай билээ.

Хөвсгөр куртка

Мэдээж дулаан явбал мянган лан гэдэг. Гэхдээ бид дулаахан явж байна гээд хамаа намаагүй хувцаслаж бусдад тарган харагдах нь байж болно гэж үү? Та хэдий туранхай байлаа ч хөвсгөр буюу том нэвгэр, зузаан куртик сонгож өмсвөл таныг байгаа жингээс тань хэд дахин тарган харагдуулдаг гээч. Эмэгтэй хүн өөрт тохирсон таалагдсан хувцасаа өмссөн цагтаа л хамгаас өөртөө итгэлтэй, аз жаргалтай байдаг шүү дээ.

Шагайгаар уяатай гутал

Шагайгаар уядаг гутал нь хэт  их чимэглэлтэй бол таныг намхан болоод тарган харагдуулна. Тус зураг дээрх жүжигчин Жосье Лорен (Josie Loren )-ийн өмссөн гутал нь түүнийг энгийн байдгаас нь хамаагүй тарган харагдуулж байгаа юм. Намхан хүмүүс ихэвчлэн өндөр өсгийтэй гутал өмсөж өөрсдийн өөг дарах хүсэлтэй байдаг боловч шагайгаар уядаг өсгийтэй гутал сонгохгүй байхыг зөвлөе.

Өргөн бүс

Та туранхай гуалиг харагдахыг хүсч байгаа бол өргөн бүсийг бүсэлхийгээрээ зүүхгүй байхыг зөвлөе. Харин эсрэгээрээ чамин болоод нарийн бүс нь таны галбирт чимэг болж, үзэмжтэй харагдуулна. Өргөн бүс нь тарган туранхай гэлтгүй ямар ч хүний биеийн жинг байгаагаас нь илүү нэмэгдүүлдэг сөрөг талтай.

Чокер хүзүүний зүүлт

Чокер хүзүүний зүүлт нь сүүлийн жилүүдэд трэнд болж, охид бүсгүйчүүдийн зүүх дуртай чимэглэл болоод байгаа билээ. Гэхдээ энэ нь зохих хүн гэж байдагтай адил зохихгүй хүн гэж бас бий. Урт нарийхан хүзүүтэй охидод энэ нь маш тансаг харагдах боловч бүдүүн болоод богино хүзүүтэй охидод тэгтлээ зохидоггүй юм. Тэдний тухайд нарийн шигтгээтэй, дундаж урттай зүүлтийг зүүвэл гайхалтай сайхан харагддаг юм шүү.

Эмэгтэй хүнийг үхсэний хойно ясыг нь таних их амархан байдаг ажээ. Учир нь эрэгтэй хүний яс танан цагаан өнгөтэй жин нь хүнд байдаг бол эмэгтэй хүний яс гадна талаараа хар өнгөтэй хөнгөн байдаг байна. Яагаад гэвэл эх хүн нэг хүүхдийг тэжээн хөхүүлж өсгөхдөө дунджаар 768 литрээс дээш сүү хөхүүлсэн байдаг гэнэ. Иймээс эх хүний бие төдий чинээ турж эцэж, яс чөмөг нь хүртэл хорогдон хорогдсоор үхсэний дараа түүний яс гадна талын өнгө нь харлах бөгөөд жин нь тун хөнгөн байх нь олон байдаг нь үнэхээр өрөвдмөөр юм. Эх хүн төрөхдөө нэг зэрэг 20 яс нь хугарч байгаа мэт өвдөлтийг мэдэрдэг гэхээр үнэхээр биширмээр тэвчээртэй аж. Гэтэл үрс нь болсон бид нар сэтгэл санааг нь зовоохоос өөр юу хийж гийгүүлэв дээ. Ядаж л ижийгээ баярлуулж чаддаггүй юмаа гэхэд багахан зовоох юмсан даа.

Өрөвдмөөр юм даа эх хүн
Хайрламаар юм даа ээжийгээ
Халамжилмаар юм даа эмэгтэй хүнийг
Хатуу юм даа бүсгүй хүний тавилан

 — with Т. Гэрэлчулуун.

Бүсгүй хүн бүхэнд эр хүний хайрыг татаж, дурыг булаах өөрийн гэсэн өвөрмөц нандин увидас бий. Од гаригсийн нөлөөгөөр хүн төрөлхтний “гайхамшигт хүйстэн” буюу бүсгүйчүүд бусдыг татах өөр өөрийн хүчирхэг чанаруудыг өвлөн төрсөн байдаг.

Хонь

Хонины ордонд төрсөн бүсгүйчүүд асар сэтгэлийн тэнхээтэй, зорилгодоо хүрэхийн төлөө тууштай тэмцэгч. Наалинхай ааш гаргаж эсрэг хүйстнээ татахдаа гаргууд бөгөөд нэг л урхидсан бол өөрийн болгохын төлөө юуг ч хийхэд бэлэн. Урхидсан эрээ өөрийн болгож байж л санаа амарна.

Үхэр

Энэ ордны бүсгүйчүүд загварын маш мэдрэмжтэй бөгөөд хувцсаа гайхамшигтай зохицуулан өмсөж сайхан харагдах нууцыг төгс эзэмшсэн байдаг. Бусдад сайхан харагдаж, анхаарал халамж анхаарал тавьж чаддаг тул ойр орчимдоо халуун дулаан уур амьсгал бүрдүүлж, хүмүүст сайхан сэтгэгдэл төрүүлж байдаг.

Ихэр

Энэ ордны хатагтай нар бол харилцааны хувьд маш сонирхолтой харилцагчид. Тэд хошин шогийн мэдрэмжтэй бөгөөд хөгжилтэй хошин яриагаараа эргэн тойрныхоо хүмүүсийг хөгжөөх, бусдыг анхааралтай сонсох, зармдаа үл тоомсорлох, хэрэгтэй үед асуудалд ажил хэрэгчээр тун нухацтай хандан шийдвэр гаргах зэрэг хатагтай нарын эзэмших ёстой бүхий л чадварыг төгс эзэмшсэн байдаг. Энэ ордны бүсгүйчүүд хүчирхэг зан чанар эр нөхрөө амжилтанд хүргэх том хөшүүрэг болдог.

Мэлхий

Гэр бүлсэг бүсгүйчүүд. Нуугдмал, ичимхий дүр төрхтэй. Мэлхийн ордонд төрсөн бүсгүйчүүд гэр бүлийн халуун дулаан уур амьсгал бүрдүүлэх дуртай, үр хүүхдийнхээ жинхэнэ халамжит ээж, хайртай хань, гэрийн сайн эзэгтэй байдаг.

Арслан

Маш эмзэг, олон зантай бүсгүйчүүд энэ ордод төрдөг. Зөрүүд, гөжүүд, хэн юу гэж хэлэх нь тэдэнд нэг их хамааралгүй гэж бодож өөрийнхөөрөө авирладаг. Ийм бүсгүйчүүдэд маш халамж анхааралтай, зан аашийг нь тэсэж, эвийг нь олж чадах тэвчээртэй эелдэг даруу нөхөр хэрэгтэй. Гайхалтай нь арслангийн ордод төрсөн бүсгүйчүүд бүх ордуудын дотроос эр нөхөртөө хамгийн үнэнч байх чадвартай нь байдаг.

Охин

“Гайхамшигт хүйстэн”-ий хамгийн ухаантай, ажил хэрэгч, байгаагаараа бусдыг татах чадвартай эмэгтэйчүүд энэ ордод төрдөг. Өөрсдийнхөө үнэ цэнийг мэддэг, биеэ барих чадвартай, боловсролтой. Үнэнч дурлалтайгаа учирвал хэзээ ч салж хагацах явдал гаргахгүй, бүх зүйлийг сайн сайхан байлгана.

Жинлүүр

Гайхалтай сайхан бүсгүйчүүд энэ ордод төрдөг. Тэдний хамгийн гол зорилго бол юугаар ч дутахгүй, зугаатай сайхан амьдрах. Энэ ордны бүсгүйчүүд гадаад үзэмж төрх, уран тачаангуй аалиараа олон эрчүүдийн зүрхийг шархлуулан байж цор ганц амрагаа сонгоно. Сонгосон амрагтаа харин үнэнч байж чадна.

Хилэнц

Хилэнцийн ордны хатагтай нар бол хэнээс ч хамаарахгүй амьдрахын үлгэр жишээг харин ч нэг яруу тодоор харуулах хүчирхэг бүсгүйчүүд. Гэсэн ч дотоод сэтгэлдээ асар их зөрчилтэй. Тэдний юу бодож, сэтгэж, төлөвлөж байгааг урьдчилан тааварлахын аргагүй. Ихэнх тохиолдолд тэд хамгийн шилдэгийг нь сонгож чаддаг бөгөөд насан туршийн сайн хань болж чаддаг.

Нум

Нумын ордны бүсгүйчүүдийн хамгийн хүчирхэг зан чанар бол хэнээс ч хараат бус бие даасан байдал. Эрх чөлөөтэй, өөрийнхөө хүссэнээр байх дуртай. Өөрийн бодол, амьдралын хэв маягтаа үнэнч. Эдгээр зан чанараасаа болж залуу насандаа нөхөрт гардаггүй.

Матар

Матрын ордны бүсгүйчүүдийн сэтгэлийн хөдөлгөж, гайхашруулна гэдэг бараг бүтэшгүй зүйл. Учир нь тэд тайван байдлаа хадгалж биеэ барих маш сайн чадвартай. Сэтгэлийн хөдлөл тэр болгон үзүүлдэггүй. Урдаа тавьсан зорилготой, зорилгодоо хүрэхийн тулд ойр тойрныг үл анзааран зөвхөн урагшилна. Тиймдээ ч амжилтанд хүрдэг. Иймд тэдэнтэй хайр сэтгэлийн харилцаа үүсгэе гэвэл амжилтанд хүртэл нь тэвчээртэй хүлээх болох нь.

Хумх

Хумхын ордны бүсгүйчүүд өөрөөсөө эхлээд бүх дэлхийг сайн сайхан болгон өөрчлөхийн төлөө төрсөн. Маш нийтэч тул түүнтэй харилцах, ойртон нөхөрлөхөд тааламжтай байдаг. Хумхын ордны бүсгүйчүүд ямар ч ордны хүнтэй сайн нөхөд болж чаддаг. Бие даасан, сайхан зүс царайтай, ажил хэрэгч бөгөөд хэнийг ч олон зүйлд зааж сургах чадвартай. Үлгэр жишээ хүмүүс.

Загас

Байгалаас заяасан гайхалтай авьяас чадвартай. Урлаг соёлын ертөнцөд од болон гялалзах охид бүсгүйчүүд зөвхөн энэ ордод л төрдөг. Ямар ч хүнтэй эвтэй найртай харилцаж сайхан уур амьсгал бүрдүүлж чаддаг. Бүх ордны хүнтэй нөхөрлөж чадна. Дотоод сэтгэл болоод гадна үзэгдэх төрх үнэхээрийн үзэсгэлэн төгс, бие бялдар сайтай. Ямар ч эр хүн унан дурлана.

Эцэст нь хэлэхэд ямар ч бүсгүй хүнд эр хүний хайрыг татаж, дурыг булаах онцгой нэгэн чадвар заавал заяасан байдаг. Харин энэ чадвараа өөрийн хайрлаж дурласан цор ганц хүндээ зориулж чадвал аз жаргалтай, бат бөх гэр бүл үүсгэх боломж танд нээгдэнэ. Ингээд таныг хайр дурлалын бурхан тэнгэр ивээх болтугай.

Хөөрхий АМЬТАН