Хүүхэд ахуй наснаасаа л урлагийн ертөнцөд хөл тавьж, Монголын рок попын шилдгүүдтэй хамтран дуулсан азтай бүсгүй бол дуучин Т.Амина. Тэрбээр анх “Цас цагаан охин” хэмээх дууг МУГЖ Э.Бүрнээбаяртай хамтран дуулж уран бүтээлийн гараагаа эхлүүлж байсан түүхтэй.
Түүнийг урлагийн төлөө амьдарч яваа нэгэн гэхэд үнэнээс хол зөрөхгүй биз. Хүүхэд ахуй насны мөрөөдлөө биелүүлэн СУИС-ийн хөгжмийн урлагийн сургуулийн эстрад дуулаачийн ангийг төгсөж, орос дуу дуулаачдын улсын уралдаан, “Universe best songs” уралдаанд оролцож байсан удаатай. Эдүгээ ч тэрбээр өөрийн уран бүтээлээрээ олны хайр хүндэтгэлийг хүлээж буй.
Тэгвэл дуучин бүсгүй стиль, имижээ эрс өөрчлөн олныг шуугиулаад амжив. Тодруулбал, “Асан дурлая” дуугаа клипжүүлж байгаа бөгөөд клипнийхээ зураг авалтын үеэрх зургаа өөрийн фэйсбүүк хуудастаа нийтэлсэн нь олныг шуугиуллаа. Дуучин бүсгүйн шинэ дүр төрхийг шүтэн бишрэгчид нь өөр өөрийн өнцгөөс хүлээн авч буй бөгөөд шүүмжлэх нэгэн ч байлаа. Ингээд түүний шинэ дүр төрхийг танилцуулъя.