Их Британийн Кентийн их сургуулийн эрдэмтэн Фил Хаббард болон Линкольний их сургуулийн судлаач Рэйчел Колози нар тайчих урлагийн үзүүлбэр үзүүлдэг цэнгээний газрууд хүмүүсийн сэтгэхүйд хэрхэн нөлөөлдгийг судлах ажилдаа 117 мянган фунтын тэтгэлэг авчээ.
Энэхүү судалгааны ажлын үр дүнд, иймэрхүү цэнгээний газар ажиллуулах зөвшөөрөл олгох асуудалд илүү бодитой хандахад тус болно гэж Их Британийн засаг захиргааныхан үзэж байгаа юм. Мөн иймэрхүү газруудаар орох дуртай үйлчлүүлэгчдийн талаар ерөнхий мэдээлэлтэй болох аж.
“Шөнийн “садар” амьдрал нийгмийн аль давхаргын ямар хүмүүст тээртэй санагддагийг судалж мэдэх эхний оролдлого юм” хэмээн Хаббард өгүүлжээ.
Энэхүү зугаатай судалгааны ажил нэг жилийн хугацаанд явагдах гэнэ.
Эх сурвалж www.wikimon.mn