Үзэсгэлэнт бүсгүй орь ганцаар яваа билээ. Барбадоссын дуучин Рианна ажилдаа хамаг цагаа зарцуулдаг учраас хувийн амьдралдаа анхаарал хандуулах ямар ч боломжгүй байдаг гэдгээ ярив. Өчигдөр дуучин бүсгүй Эллен ДеЖенересын шоуд оролцохдоо хэн нэгэнтэй болзох, захидлаар харилцах цаг зав байдаггүй гэдгээ ярьжээ.
27 настай дуучин бүсгүй залуу насаа микрофоны ард юм уу дуу бичлэгийн студид өнгөрүүлж байгаа юм. Өдгөө түүний шинэ цомог бичигдэж байгаа бөгөөд сүйт хархүү, романтик болзоо зэргийн талаар бодохоо больжээ.
“Одоо би орь ганцаар байгаа. Би ганцаар байхыг хүссэндээ юм уу эрчүүдийг үзэн яддагт учир шалтгаан нь байгаа юм биш. Зүгээр л миний амьдралд дотно харилцаа үүсгэх цаг зав алга. Хэн нэгэнтэй цахимаар харилцахад ч цаг олдохгүй байна. Амьдралын маань хэмнэл галзуутай хурдан байгаа” гэж тэрбээр өгүүлэв. Эх сурвалж www.wikimon.mn