Монгол үндэс угсаа, өв уламжлалаа хадгалж үлдэхийн тулд өөрсдийн амьдралыг зориулж байгаа урлагийн гэр бүл бол МУГЖ С.Жавхлан болон түүний эхнэр Г.Эрдэнэчимэг нар билээ.
Хамтдаа уран бүтээл туурвиснаасаа хойш хэсэгтээ чимээгүй болсон дуучин хосууд монгол уламжлалд сургах “Монголоороо” төвийнхөө үйл ажиллагаанд анхаарлаа хандуулаад уран бүтээлээсээ түр хөндийрөөд байсан юм. Тэгвэл өчигдөрхөн дуучин Г.Эрдэнэчимэг өөрийн шинэхэн уран бүтээл болох “Зургаан ханатай гэр минь” дуугаа сонсогчдодоо танилцуулжээ.