Мисс С.Ариунбилэг “Гоёл” наадмаас топ модель хэмээх цол хүртсэнээр “битүү морь” гэгдэж, багагүй хардлага сэрдлэгэ дагуулсан. Гэвч тухайн үед тогтвортой амьдралтайгаараа бахархан, олны өөнтөгч амыг тагласан бүсгүй удалгүй нөхрөө сольсон билээ.
Тэрбээр “Хөх чоно” группийн үүсгэн байгуулагч Ө.Пүрэвбаатарын ууган хүү П.Мөнхтулгатай хайр сэтгэлийн холбоотой болсноо олноос ч нуугаагүй. Тэр ч бүү хэл, экс нөхрөө “тэжээдэг” байсан талаараа бүх нууцыг олонд дэлгээд амжсан.
Гэвч чинээлэг залуу, модель бүсгүй хоёр өнгөрсөн өвөл бага зэрэг үл ойлголцсоноос хоёр тийшболоод байсан билээ. Тэгвэл тэд саяхнаас эргэн нийлж, С.Ариунбилэг ч үүнийгээ бататгах гэсэн мэт олонд гялс дуулгаад амжсан юм.
Мэдээж өмнө нь амьдрал зохиож байсан, хүүхэдтэй бүсгүйн хувьд хоёр дахь амьдрал нь бүтэлгүйтлээ гэж хэлүүлэх юуных нь сайхан билээ. Тиймээс ч топ модель бүсгүй П.Мөнхтулгатайгаа эргэн нийлснээ аль болох олон хүнд дуулгахыг хүсч байгаа бололтой. Цахим хуудсаа амрагтайгаа авахуулсан зургаараа гоёж, “Хайрт минь, хань минь” хэмээн нялуурах болжээ.
www.mnews.mn