-Машинаа асаагаад, бүсээ хийгээд, толио тааруулаад, тоормосоо шалгаад, хөдөлгөөнөө эхлэх
-Ухрахын өмнө дуут дохио өгч ойр орчимд явж байж болзошгүй хүмүүст анхааруулаад сайтар харж байгаад ухрах
-Хурдны дээд хэмжээг хороолол дотор 10, хот дотор 50, хотоос гадна 60 км/цагаас хэтрүүлэхгүй байхыг хичээх
-Уулзварт нэвтрэхээс 20 метрийн өмнө эгнээгээ эзэлж, нэгэнт сонгосон эгнээгээ солихгүй явах
-Урд талын машинаас үргэлж зайтай явах
-Хот дотор гүйцэж түрүүлэхээс зайлсхийх /Автобус болон таны машинаас өндөр тэрэгний цаана байгаа зүйлс үргэлж халхлагдаж байдгийг санах, үүнээс болж осол гарах магадлал өндөртэй/
-Хажууд сууж яваа хүнийг уулга алдахад сандарч, түүний хэлснээр гүйцэтгэхийг цээрлэх
-Гэрлээр амжиж орох гэж давхихгүй, уулзварт хурдаа хасаж орох Улаан=Зогс, Шар=Анхаар буюу уулзварт нэвтрээгүй тохиолдолд зогсох, уулзварт нэвтэрчихсэн үед шар ассан тохиолдолд хөдөлгөөнөө үргэлжлүүлэх ёстой байдгийг хэзээ ч бүү март
-Огцом зогсохоос зайлсхийх. Дохиогоо өгөөд, толиндоо хараад баруун гар тийш шахаж зогсоно
-Илүү дугуй, чирэгч, шатахууны сав, холбогч зэргийг байнга авч явах
-Бичиг баримтаа шалгаж хэвших
