Хөгжмийн салбарт гаргасан амжилтуудаа үнэлүүлж дуучин Бейонсе маш олон шагнал хүртсэн билээ. Тэгвэл тэрбээр киноны салбарт олгогддог хэд хэдэн шагналыг хүртэх төлөвлөгөөтэй байгаа гэнэ. Бейонсе жүжиглэх урлагт түүнийг суралцуулах мэргэжлийн багш нарыг болон өөрийн гол дүрд нь тоглох киноны зохиолыг бичих зохиолчдын багийг хөлсөлж авчээ.
Дуучин бүсгүй нэгэн хар арьст эмэгтэйн тухай киног бүтээхээр шийдсэн аж. 19-р зууны эхэн үед том өгзөгтэй Саарти Баартман гэдэг африк эмэгтэйг Лондон хотын нэгэн тайчих үзүүлбэр үзүүлдэг шоуны хэсэгт хүчээр багтаасан байдаг. Бүсгүй хүчинд автсан хэмээн шүүхдэлцсэн ч ялагдал хүлээдэг билээ.
Киноны гол дүрийг Бейонсе өөрөө бүтээхийг хүсэж байгаа аж. Дуучин бүсгүй дүрдээ орохын тулд Саартигийн эмгэнэлт амьдралын тухай өгүүлсэн цөөнгүй ном, зохиолыг захиалан судалж байгаа гэнэ. Өмнө нь Бейонсе дөрвөн ч кинонд тоглоод амжсан нэгэн билээ.