Өдгөө 69 настай Сильвестр Сталлонег эрдэнэсийн эзэн хэмээн нэрлэж болно. Учир нь түүний гурван охины аль аль нь царайлаг, гоолиг аж. Тэрбээр саяхан шинэ киноны нээлтэд өөрийн адилхан эрдэнэсүүдийг дагуулан иржээ.
Сталлонегийн 47 настай эхнэр Женнифер Флавин нөхөртэйгөө 18 жил амьдрах хугацаандаа Софи, Систин, Скарлетт хэмээх гурван сайхан охин төрүүлж өгсөн. Түүний гурван охин ч жил ирэх тусам улам үзэсгэлэн гоо болж, олны анхаарлыг татаж байгаа билээ.
Тухайлбал гэр бүлээрээ авахуулсан зурагны дунд зогсох 17 настай Систин нь моделийн бизнест амжилт гаргаж эхэлсэн бол 13 настай Скарлетт нь хүртэл эгч нараасаа дутахааргүй том эмэгтэй болжээ.
Охид хоорондоо их эвтэй бөгөөд аавын хамгийн хайртай охин болох гэж өрсөлддөггүй гэнэ. Аав нь ч охиддоо амь, бахархдаг гэсэн шүү.
