“Ромео Жульетта” жүжгийн нээлт маргааш болох гэж байна. Энэ залуу жүжигчин О.Дөлгөөн Жульеттад тоглож байгаа билээ. Дүрийнхээ тухайд тэрбээр, “Эмэгтэй хүний гадаад, дотоод гоо сайхан хамгийн гоё шинжийг агуулсан дүр бол Жульетта юм. Тиймээс тэр ариун нандин, танхил охины дүрийг гаргахаар хичээн ажиллаж байна. Одоогийн охид, бүсгүйчүүдийг ийм зан чанартай байгаасай гэж бодсон. Гэхдээ Жульетта 14-хөн настай. Мөн хор ууна гэдэг уриалан дуудах сайн зүйл биш. Хамгийн гол нь эмэгтэй хүний үнэнч, нандин ариухан зан чанарыг л эрхэмлээсэй гэдгийг харуулахыг хүсч байна. Хүн өмссөн хувцсаа хиртвэл угаадаг шиг оюун санаагаа цэвэрлэх угаах ганц зүйл бол урлаг юм. Тиймээс хүн бүр оюун ухаанд хөрөнгө оруулалт хийж бидний хөдөлмөрлөж бүтээсэн уран бүтээлийг үзээсэй гэж уриалах байна” гэсэн юм.
↧
О.Дөлгөөн: Эмэгтэй хүний үнэнч, нандин ариухан зан чанарыг эрхэмлээсэй гэдгийг харуулахыг хүсч байна
↧