Солонгос бүсгүйн захидал

Сайхан Монголын хөөрхөн хар-хүү
Сайн байна уу?
Хамбуг нөмөрсөн Хангүг бүсгүй би
Сайн байнаа.
Хавар та манай нутагт
Хараар ажиллахаар ирсэн юм уу?
Хан мөрөн цөнгөө түрээд
Хавар болох хаа ч байсын
Гунигтай юм аа Убаа та
Гуравхан сарын визтэй байсан юм уу?
Аксент биш дээ намайг та
Ачуулчих шахсан шүү Монгол руу
Өөрөө тэгж өдөхий нь өдчихөөд
Өндөгтэй гоймон хамт идчихээд
Жаргах болхоороо жаргачихаад
Жантай гоймон цугтаа идчихээд
Хайртай дуртай гэж амлачихаад
Хан мөрнөөр хамт аялчихаад
Саранхеюу болгож орхичихоод
Сарын тэмдэг ирэхгүй болгочихоод
Нэг ч мэссеж мейл байхгүй
Нээрэн та намаржин чадлаа
Эсвэл та эхнэртэй юм уу
Эртхэн тэгвэл үнэнээ хэлээч
Өсөж төрсөн гэрээ орхиод
Өөр дээр чинь очья гэхээр
Унаган төрлөх сөүлээ орхиод
Улаанбаатарт амьдарья гэхээр
Уул талд нь төөрчихийн болов уу?
Утаанд нь хахаад үхчихийн болов уу?
Уучлаарай найз минь уурах хэрэггүй
Утаа түгжирэл ихтэй гээ биз дээ?
Одоо найз нь хордлого өгөөд
Огиулж бөөлжөөд хэцүү байнаа
Хэнийг ч харсан уур хүрээд
Кимчи харсан ч дотор муухайраад
Хүүхдийг чинь төрүүлэх гэж
Хүндхэн байнаа найз нь энд
Хонгор найз минь уулзъя гэвэл
Холын надтай учиръя гэвэл
Шил шиг хотдоо таныг уръя
Шинэхэн гэрээ энд барья
Ганган машин худалдаж аваад
Гангнамм дүүрэгт газар өмчлөөд
Бие биенээ хайрлан суувал
Бидэн хоёрын жаргал бус уу?
Намьяанжуд байр аваад
Нарсан ойд зуслантай болчихоод
Үеийн танидаа эрхлэн суувал
Үнэхээр нэгэн жаргал бусуу?
Эрхэм таныг эргээд ирхэд
Инчёоны буудал дээр хүүтэйгээ тосъё
Далайн байцаатай шөлөөр дайлья
Дарсан панчаань сөжү өрье
Агшаасан будаа ахиухан таваглаад
Амтархан савхдья хоёулаа…call me уббаа….гэж ээ.

Сэгс цагаан богд найраглалыг чинь
Сэглэж наргисандаа хүлцэл өчие
Өвгөн найрагч Д.Пүрэвдорж та минь
Өршөөн соёрх томоогүй намайг
Дүү нар чинь бүгд ийм сахилгагүй биш ээ
Дүгэрийн шар хүү л ингээд дэггүйтчихлээ

2015.10.29 Д.Ганхуяг УБ-хот