Өөрийн биед хэрэгтэй эрдэс бодис тэр дундаа кальциа нөхөх гэж хүмүүс сүү, цагаан идээг ихээр хэрэглэдэг билээ. Сүү гэдэг нь найрлагандаа уураг тос, нүүрс ус, аминдэмийг тодорхой харьцаагаар агуулсан ямар нэг нэмэгдэл нэмээгүй бас бүрэлдэхүүн хэсгээс шүүж аваагүй бүтээгдэхүүнийг хэлдэг. Сүү гэх бүтээгдэхүүний тодорхойлолтыг та бүхэнд тус бүрт нь гаргаж танилцуулъя.
• “Бүтэн сүү” гэж сүүний бүтээгдэхүүнд /тос, уураг, хуурай бодис гэх мэт/ ямар нэгэн зохицуулалт хийгээгүй хэвийн сүүг,
• “Түүхий сүү” гэж малаас саасан анхан шатны боловсруулалт хийгдээгүй сүүг,
• “Ундны сүү” гэж сүүний найрлагын бүтэлдэхүүн хэсгийн харьцааг дулааны, эсвэл бусад аргаар тохируулж боловсруулсан сүүг,
• “Халааж боловсруулсан ундны сүү” гэж 76°С температурт 20 секунд, 87°С температурт 15 секунд, 92°С температурт барилтгүйгээр огцом халааж боловсруулан нэг мл сүүнд бичил биетийн ерөнхий тоог 104 зэрэгт хүртэл багасгасан ундны сүүг,
• “Ариутгасан ундны сүү” гэж 104°С-125°С-ээс дээш температурт 5-15 секундын барилттайгаар ариутгасан сүүг,
• “Сүүн ундаа” гэж өтгөрүүлсэн болон хатаамал сүүг жорын дагуу усаар найруулж, технологийн боловсруулалт хийсэн сүүн бүтээгдэхүүнийг,
• “Хатаамал сүү” гэж хуурай бодисын агууламж нь 95 хувиас багагүй байхаар сүүний усыг ууршуулсан бүтээгдэхүүнийг,
• “Сэргээсэн сүүн бүтээгдэхүүн” гэж өтгөрүүлсэн болон хатаамал сүүг усанд уусган механик, дулааны аргаар боловсруулж, хэвийн сүүний төлөвт шилжүүлэн түүгээр үйлдвэрлэсэн сүүг тус тус нэрийддэг байна.
• Тараг гэж хамсан амьдрах өвөрмөц зохицол бүхий олон төрлийн бичил биетийг агуулсан тарагны мөөгөнцрийн хөрөнгөлж бүрсэн уламжлалт бүтээгдэхүүнийг,
• Йогурт гэж элэгнэн бүрэлдсэн эсхүл жигд байдалтай болтол хутгасан, тосгүй хуурай бодисын агууламж өндөртэй эсэг бүтээгдэхүүнийг хэлнэ.