Зутан шөл бол хүүхдэд хамгийн тэжээллэг бөгөөд амархан шингэдэг хоолны нэг юм. Иймд эцэг эхчүүд маань бяцхан үрсдээ өгөх хоолныхоо жорыг үүгээр нэмээд аваарай.Энэ удаагийн хүүхдийн хоолны нийтлэлээрээ зутан шөл хэрхэн хийх талаар уншигч ээж та бүхэнтэйгээ хуваалцъя. Үүнийг хүүхэд бор хоолонд орсон цагаас нь эхлэн өгч болно. Амттай, амин дэмтэй, хүүхдэд тэжээллэг хоолнуудын нэг юм шүү.
Хийх арга: Бид зутандаа төмс, лууван, манжин, брокколи буюу буржгар байцаа, бөөрөнхий байцаа гэх зэрэг хүссэн ногоогоо хийж болно. Ингээд сонгосон ногоонуудаа угааж цэвэрлээд, давстай усанд сайтар чанаж буцалгана. Дараа нь бүгдийг нь нухаж няцална. Эсвэл махны машинд хийн машиндаж болно. Бэлэн болсон ногоогоо мах чанасан шөлөндөө хийн буцалгана. Үхэр, хонь, тахиан махан шөлний аль нь ч болно. Буцалгах явцдаа хуурай гурил цацаад, гурилаа бөөгнөрөлдүүлэлгүйгээр сайтар хутгана. Ингээд зутан шөл маань бэлэн боллоо. Маш амархан байгаа биз.