Ганц бие бүсгүйчүүд минь цор ганц хайраа нууцхан дотроо бодож, олохыг хүсдэг байх. Өөрийг нь ойлгодог, үнэлдэг, хүндэлдэг хамгийн гол нь хайрладаг эр хүнийг бид хүсдэг.Бүсгүйчүүд хайраа олно гэхээр ресторан, клуб, паркаар явж өөрт тохирох хүнээ хайдаг байх. Энэ буруу юу, зөв үү? Бүгдээрээ хайраа хэрхэн зөв хайх вэ. Эсвэл энэ бүр огт хэрэггүй асуулт уу. Үүнд хариулт өгөх гээд үзье.
Ер нь өөрт тохирох эр хүнээ хайхдаа сэтгэл санаа өндөр үедээ явах хэрэгтэй. Жишээ нь, та гутранги бодолтой нэгэн залуутай танилцлаа гэж бодоход дараа нь дотроо ”Миний дараагийн экс найз залуу” гэж бодох ч юм билүү? Тиймээс сэтгэл санаагаа өөдрөг, цэгцтэй үедээ болзоонд явах хэрэгтэй.
Тэгвэл хайрын эрэл гэж юу вэ? XXI зуунд технологи хөгжсөний ачаар бид фэйсбүүкээр болзоо тогтоодог болж. Гэвч ихэнх эмэгтэйчүүд интернэтээр холбоо тогтоох дургүй байдаг. Учир нь компьютерийн дэлгэцийн цаана ямар ч залуу нуугдаж байгаа юм билээ. Ер нь интернэтээр дурлах гэдэг дэмий зүйл.
Ихэнх эмэгтэйчүүд миний бодлоор анхны болзоон дээрээсээ л залуугаа хараад өөртөө тохирох хүн мөн эсэхийг шинжээд үзчихдэг.
Та үнэхээр хайраа олмоор байгаа бол нэгэн арга бий. Өөртэйгөө сонирхол нэгтэй хүнийг олвол биенийгээ илүү сайн ойлгодог хос болох болно. Жишээ нь, та спортод сонирхолтой бол сагсны тэмцээн дээр зөвхөн өөрт зориулагдсан тэр л залууг олж болно, уран зохиол сонгодогт дуртай бол номын дэлгүүр эсвэл театрт учирч болох.
Хэрвээ таны танилцсан залуу танд таалагдсан бол түүний дэргэд өөрийнхөөрөө байж, түүнийг өөртөө таалагдсаныг тойруу аргаар ойлгуулах гэж хичээгээрэй.
Таны сонгох хүн таны хамгийн сайн найз, дотны хүн, ярилцахад таатай, таныг ойлгодог, сул талыг тань хүлээн зөвшөөрч чадах, харилцан биенээ хүндэлдэг хамгийн гол нь таныг хайрлаж чадах эр хүн байх хэрэгтэй. Амжилт бүсгүй минь!