Орчин цагийн урлаг соёлын сайхан бүсгүйчүүдийн тоонд зүй ёсоор багтаж яваа дуучин Д.Отгонжаргал “Ану хатан” киноны гол дүрд тоглоод бүр ч “од” болсон. УДЭТ-ын жүжигчин Ц.Баясгаланг амаар нь шороо үмхүүлж, түүхэн хатны дүрд тоглох ховорхон боломж атгах үед түүнийг тухайн үеийн БСШУЯ-ны сайдтай нэр холбож, өөлж муучлах хүмүүс олон байсан билээ.
Гэвч олны таагүй хандлага, хэвлэлийн сайн муу мэдээллүүдийг үл тоомсорлон “Ану хатан” кинондоо амжилттай тоглосон дуучин маань санасан бүхэндээ хүрч чадсан нь үнэн. Киноны зохиолч Шүүдэрцэцэг буюу Б.Тогтохбаярт “Үүнээс өөр кинонд тоглохгүй” хэмээн ам өчгөө өгсөн гэх түүнийг тойрсон амрагийн паянгууд нь ч энэ үеэр сөхөгдөж эхэлсэн нь нууц биш. Авьяас чадвар, бэл бэнчингээрээ гайхуулсан олон ч залуустай нэр холбогдож явсан дуучин Д.Отгонжаргалыг “Айлын гэр бүл үймүүлсэн” хэмээн буруутгах бүсгүйчүүд ч цөөнгүй байгаа.
Харин тэрбээр өөрт нь өмөг түшиг, бяцхан охинд нь сайн аав байж чадах нүнжигтэй залууг сая л нэг юм олсон бололтой. Сүйн бөгж зүүж, хуримын товоо нууцхан товлосон тухайгаа ойр дотны найз нөхөддөө ийнхүү дуулгажээ. Улсын филармонийн гоцлол дуучнаар ажиллаж байгаад гарсан дуучин Д.Отгонжаргалын хувьд өдгөө чөлөөт уран бүтээлч гэгдэж яваа төдийгүй “Voice” хамтлагтаа харьяалагдаж буй.
С.Цахиур