Гоо сайхны олимп буюу дэлхийн миссийн тэмцээн болоход сар гаруйн хугацаа үлджээ. Өнгөрсөн жил манай улсын үндэсний ялагчаар Н.Ану тодорч дэлхийн өнцөг булан бүрээс ирсэн үзэсгэлэнт охидтой титмийн төлөө өрсөлдөж байсан билээ. Харин энэ онд зохиогдох дэлхийн миссийн тэмцээний тов гараад зогсохгүй эх орноо төлөөлж оролцох миссүүд ч албан ёсоор зарлагдсаар байна. Үзэгчдийн дунд энэ оньсого хэвээр байгаа бөгөөд хэн гэдэг гоо бүсгүй манай улсаас дэлхийн миссийн тэмцээнд оролцох нь таамаг төдийхөн хэвээр буй.
Манай улсын хувьд сүүлийн жилүүдэд миссийн тэмцээнүүдэд идэвхитэй оролцох болсон. Дэлхийн тайзнаа Монгол эх орон, гурван сая иргэдийг төлөөлж мэдлэг боловсрол, оюун ухаан, гоо үзэсгэлэнгээ гайхуулах тэр нэгэн азтай аавын охин хэн болох нь удахгүй мэдэгдэх биз ээ. Гэхдээ нэг асуудал бий. Манай улсаас эх орноо төлөөлөн оролцож байгаа миссүүдийн нийтлэг дутагдал хэлний бэрхшээл байдаг. Энэ удаад ямар гоо бүсгүй эх орноо төлөөлөн ямар мисс оролцох бол, эсвэл энэ жил дэлхийн миссийн тэмцээнийг өнжих үү? Аль аль нь оньсого хэвээр…
↧
Дэлхийн миссийн тэмцээнд хэн гэдэг ГОО БҮСГҮЙ оролцох нь ОНЬСОГО хэвээр байна
↧