Дэлхий дахинаа “Амьд барби” хэмээн танигдсан Украйны дуучин, загвар өмсөгч Валерия Лукьянова ирэх аравдугаар сарын 4-нд Монголд ирэх гэнэ. Тэрээр манай улсад анх удаа зохион байгуулж буй “Face of Beauty International-2016” олон улсын гоо бүсгүйн тэмцээний хүндэт зочноор уригдан ирж байгаа ажээ.
Тус тэмцээнийг Монгол Улсад зохион байгуулах төслийн удирдагч Ж.Анхбаяр “Украйны “Амьд барби” маань аравдугаар сарын 4-нд монголд газардана. “Амьд барби” маань өмнө нь Украйн улсын миссээр тодорч байсан. Мөн улсдаа алдартай дуурийн дуучин юм билээ. Тиймээс энэхүү гайхалтай авьяасыг нь монголын үзэгчдэдээ хүргэхээр бид бүхэн хичээн ажиллаж байна” гэв.
Дашрамд дурдахад “Face of Beauty International-2016” олон улсын гоо бүсгүйн тэмцээний усны хувцастай топ модель номинацийг ирэх сарын 5-нд “One event Hall”-д шалгаруулах юм байна.
Эх сурвалж www.wikimon.mn