Манайдаа л “од” хэмээн хүндлэгддэг олны танил эрхмүүд өөр хоорондоо дурлалын романс үүсгэн, эхнэр нөхрөө сольсон шигээ эрээвэр хураавар паянтай амьдардаг нь даанч нууц биш. Харин ч бүр хэн хэдэн амраг сольсноороо уралдах нь холгүй өрсөлддөг мэт хачирхалтай байдлаа хааж нуухаа болиод удаж байна.
Улс төрд хөл тавихаасаа өмнө “TV5” телевизэд ажиллаж явсан ИТХ-ын төлөөлөгч Г.Ганбаяр өмнө нь сэтгүүлч Б.Насанжаргалтай үерхэж дотноссон, түүнийхээ дараа “Sweetymotion” хамтлагийн дуучин Э.Ганболортой хамт амьдарч байсан зэрэг амрагийн асуудлаараа нэлээд туршлагатай залуу гэгддэг. Харин өдийг хүртэл ганц бие явсан түүний эцсийн сонголт нь жүжигчин Б.Хулангийн эгч болох загвар зохион бүтээгч Б.Халиун байлаа.
Загварын хүрээнийхэн дунд Аня нэрээр танигдсан Б.Халиуны хувьд урьд нь “Хас”-ын Ч.Ганхуягийн дүү Ч.Ганзоригтой нэлээдгүй хэдэн жил хамт амьдарсан нэгэн. Мөн тэрбээр “Ирмүүн” студийн зурагчин Баагий гэх залуутай хамт амьдарч байсан төдийгүй өдгөө 15 нас хүрсэн том охинтой юм билээ. Авьяаслаг дизайнер Аня нэгэнтээ УГЗ, хөгжмийн зохиолч Л.Балхжавын том хүүтэй багагүй хугацаанд үерхэж дотноссон ч, ирээдүйн хадмууд нь өмнөх амьдралаасаа үр хүүхэдтэй хоцорсон эгчмэд насны бүсгүйг хүлээн зөвшөөрөөгүй гэх “бор шувуу” ч нисч байлаа.
Юутай ч, улс төрд чамгүй ирээдүйтэй гэгддэг Г.Ганбаяртай нэр холбогдоод байгаа тэрбээр хайртай амрагийнхаа өгсөн чамин цэцэгс, үнэтэй бэлгэнд умбаж суугаа нь тодорхой болсон. Тиймээс тун удахгүй гурав дахь амьдралаа зохиож, шинэхэн амрагийнхаа гэрийг гийгүүлэхээр сэтгэл догдлон алхаж яваа гэнэ лээ.
С.Цахиур