Долоон настай бяцхан охин болох Аэлита Андре алдартай зураач болжээ. Тэрээр анх 9 сартай байхдаа анхныхаа зургийг зурсан байна. Охины аав болох Майкл Андре өөрийн зургийн хэрэгслүүдийг зочны өрөөндөө үлдээгээд явсан үед охин нь мөлхөж очин зургаа зурж эхэлжээ. Ингээд түүнд зураг зурах маш их таалагдсан байна.
Олныг гайхшруулсан 7 настай охин
Түүний анхны зургийн үзэсгэлэн охиныг 2 настай байхад нь гарчээ. Аэлитагийн гэр бүлийнхэн бүгд урлагийн хүмүүс бөгөөд аав нь зураач, ээж Ника нь гэрэл зурагчин, өвөө нь мэргэжлийн уран зураач юм байна.
Аэлитад зураг зурахад хэрэгтэй бүхий л хэрэгсэл байдаг бөгөөд түүний сэтгэн бодох чадвар үнэхээр гайхалтай. Тэрээр өөрийн бүтээлүүдийг маш анхааралтай, болгоомжтой зурж хийдэг гэнэ. Түүний зургууд дэлхийн томоохон зураачдад маш их таалагдсан бөгөөд судлаачдын үзэж байгаагаар охины зургууд өнгийн хоршил сайтай байдаг ажээ. Тэрээр зургаа зурахдаа эхлээд тоглож эхэлдэг бөгөөд дараа нь будгаа асгаж, олон өнгийг хослуулдаг байна.
