- Хүнсэнд цус төлжүүлэх болон ургийн өсөлт хөгжилтийг хангах уураг, нүүрс-ус, амин дэмээр баялаг зүйл хэрэглэнэ. Хэрэв бололцоотой бол жимс, хүнсний ногоо, мах, цагаан идээ, өндөг зэргийг урьд хэрэглэж байсан хэмжээнээс нэмэгдүүлэх. Сүү, бяслаг, тараг нь кальц агуулдаг тул ургийн өсөлтөнд чухал нөлөөтэй.
- Төмөр-фолийн хүчил
Энэ цус төлжилтийг сайжруулахад онцгой шаардлагатай бөгөөд энэ нь жин багатай хүүхэд төрөх, ураг ба нярайн бүтэлт, архаг цус багадалтын улмаас хүүхэд өвчлөмтгий болох зэрэг янз бүрийн хүндрэлээс хамгаалах ач холбогдолтой.
- Өдөрт 1-2 цаг хэвтэж амрах, жирэмсний сүүлийн 3 сард хүнд юм өргөх, ачаалал ихтэй ажил хийхээс зайлсхийх
- Арьсаа цэвэр байлгах ба чөлөөтэй цэвэр даавуун хувцас өмсөх
- Хөхний толгойг угааж, нааш нь татаж , тос түрхэх
- Архи тамхи хэргэлэхээс зайлсхийх, жирэмсний эхний 3 сартайд элдэв эм уух, рентген зураг авхуулахаас татгалзах
Амаржсаны дараа анхаарах зүйлс
Шавхарга: Tөрсний дараах эхний өдрүүдэд цусархаг, 3-4 дэх хоногоос махны шүүс шиг өнгөтэй, 10 дахь хоногуудаас өнгөгүй болох бөгөөд хэмжээний хувьд 3 дахь долоо хоногоос багасаж 5-6 дах долоо хоног гэхэд ялгарахгүй байж болно. Хэрвээ шавхарга дуусахгүй байх, шинж чанар нь өөрчлөгдөх, эвгүй үнэртэй болох зэрэг шинж тэмдэг илэрвэл эмчид үзүүлэх хэрэгтэй.
Халуурах: Умайд халдвар орох, хөхөнд сүү зангирч буглаа үүсэх зэрэг үед халуурч болох тул яаралтай эмчид үзүүлэх.
Жирэмслэлтээс сэргийлэх талаар: Төрсний дараах эхний 2 жилийн дараа дахин жирэмслэх нь эх ба хүүхдийн эрүүл мэндэд эрсдэлтэй тул энэ хугацаанд өрхийн эмчээсээ авч жирэмслэлтээс сэргийлэх аргуудаас өөртөө тохирохыг сонгон хэрэглэх.