Их Британийн нийслэл Лондон хотын оршин суугч 73 настай нэгэн эмгэн хэдий хөгширсөн ч гэлээ өөрийнх нь бие сайхан хэвээр байгаа гэдгийг харуулахын тулд усны хувцастайгаар зургаа авахуулжээ. Гэрийн эзэгтэй Нора Hello, I’m Nora гэдэг нэрийн дор цуврал зургуудыг гэрэл зурагчин Эмили Стэйнээр авахуулжээ.
Эдгээр зургуудаараа тэрбээр өөртөө итгэлтэй байгаа гэдгээ харуулахыг зорьсон гэнэ. Мөн шубатай, даашинзтай, дотуур хувцастай зургууд ч байгаа юм. Тэрбээр өмнө нь өөрийгөө голдог байсан учраас хэт илэн далангуй байдалтайгаар гэрэл зургаа авахуулахаас ичдэг байсан гэдгээ ярьжээ. Өмнө нь тэрбээр өөрийгөө зүгээр л нэг байдаг эмэгтэй хэмээн боддог байсан аж.
