Сүүлийн үед улаан бурхан өвчнөөр олон арван хүүхэд эндэж байгаа талаар мэдээлэх болсон. Үүнтэй холбоотойгоор ээжүүд “Бойтогтой жагсаал”-ыг зохион байгуулах гэж байна. Энэхүү тайван жагсаал нь улаан бурхан өвчнөөр хорвоог орхисон бяцхан үрсийн гэгээн дурсгалыг хүндэтгэх, олон нийт эрх баригчдын анхаарлыг энэ асуудалд хандуулах зорилготой аж.
2016 оны эхний улиралд 15540 хүн улаан бурханаар өвдсөнөөс 61 хүн нас бараад байна. Одоогоор ХӨСҮТ ачаалал ихтэй эмч сувилагч нар хүндхэн нөхцөлд ажиллаж байгаа юм. Тодруулбал нэг орон дээр хоёр хүүхэд хэвтэх, нэг хүчил төрөгчийн аппаратыг зургаан хүүхэд дундаа хэрэглэх зэрэг олон хүндрэл бэрхшээл байгаа аж.
“Бойтогтой жагсаал” маргааш буюу дөрөвдүгээр сарын 16-нд оройн 21.00 цагт Чингисийн талбайд болно.