Уншигч эх та хүүхдээ хэрхэн өсгөвөл таны хүүхэд ухаалаг, хүлээцтэй, зөв хүн болж өсөх талаар мэдээллийг хүлээн авна уу.Японы хүүхдийн сэтгэл зүйгээр мэргэшсэн Масару Ибука судлаач нь “Гурван наснаас хойш хожимдоно” гэсэн ном гаргажээ. Энэхүү номондоо тэрээр хүүхдийн хөгжлийн онолыг боловсруулж, хүүхдээ хэрхэн аз жаргалтай өсгөх нууцыг дэлгэж өгчээ.
Түүний “Гурван наснаас хойш хожимдоно” номноос дараах зөвлөгөөг хүргэж байна.
Хүүхдээ хүн төрөлхтний бүтээсэн гайхамшигт ололтуудаар хүрээлүүл. Энэ нь сонгодог хөгжим, уран зураг байж болно. Тиймээс галлерей, театраар оруулж танилцуулаарай.
Хүүхдээ үргэлж тэвэрч бай. Энэ нь хүүхдийн тархины хөгжилд чухал үүрэг гүйцэтгэдэг.
Хүүхэдтэйгээ хазгай муруй хэлээр бүү ярь. Төрсөн цагаас нь цэвэр, тод ярьж сурахад анхааарал хандуулаарай.
Хүүхэдтэйгээ өдөр бүр ярилц. Өдөр бүр харилцах нь гайхалтай үр дүнд хүргэдэг. Өөрийгөө илэрхийлэх чадвар нь сайжирна.
Тэдэнтэй бүү хэрүүл хий. Хүүхэд аливаа муу зүйлийг хүндээр тусгаж авдаг.
Хүүхэдтэйгээ хамт унтаж бай. Энэ нь хүүхдийн хөгжилд сайнаар нөлөөлдөг.
Бусадтай харилцахад нь зоригжуул, урам өг. Ингэснээ хүүхдийн оюун санаа, өрсөлдөх чадвар, тэргүүлэх хүсэл эрмэлзлэлийг бий болгож өгдөг.
Өөрийн үзэл бодлоо хамгаалахад нь бүү саад бол. Хүүхэд өөрийнхөө санаа бодлыг зөвөөр илэрхийлж эхэлснээр бусадтай харилцах чадварт суралцдаг.
Хүүхдийг бүү хазаарла. Тэдний үйлдлийг хязгаарласнаар оюун ухаан, бүтээлч сэтгэлгээ муутай болоход нөлөөлдөг.
Алгуурхнаар магт бас зэмлэ. Ялангуяа эрэгтэй хүүхдийг урамшуулахын зэрэгцээ сургамж өгөх зөвлөгөө хэлж бай. Зэмлэхдээ хатуудуулж болохгүй.
Яаран сандран аливааг муу, сайн гэж ангилуулах гэсний хэрэггүй. Хүүхэд эхлээд эцэг эхийн тусламжтайгаар эдгээрийг ялгаж сураг. Харин цаашдаа өөрөө ялгаж, үнэлэлт дүгнэлт өгдөг болно.
Өөрийн сонирхсон зүйлээ хийхэд нь дэмж. Дуртай зүйлээ хийх нөхцөл боломжоор хангаж өгөөрэй.
Тэдний үйлдлийг тэнэг гэж бүү басамжил. Ийм үйлдэл хүүхдийн бүтээлч сэтгэлгээг хөгжүүлдэг.
Хүүхдийг өөрийн өмч мэтээр бүү ханд. Ингэснээр хүүхдийн өөртөө итгэх итгэлийг сулруулдаг. Хүүхэд бол таны өмч биш, тусдаа хүн.
Хүүхдийнхээ мэдрэхүйг хөгжүүл. Тэднийг зөөлөн, хатуу, хүнд, хөнгөн, гөлгөр гэх мэт аливаа зүйлд хүрч, мэдэрч үзэх боломжийг олгоорой.
Хүссэн бүхнийг нь бүү авч өг. Хэт их зүйл хүүхдийг сатааруулж, сурч мэдэхэд нь муугаар нөлөөлдөг аж.
Мөнгө үрэхийг бүү заа. Бүх зүйлийг мөнгөөр авч болох юм байна гэж бодно.
Тоглоомны тайлал, дэс дарааллыг олоход тусал. Хүүхэд үнэнээс таашаал авахад суралцдаг байх хэрэгтэй.
Хүүхдийн загвар гаргах, хайчлах, нугалах, засварлах гэх зэрэг механик чадварыг хөгжүүл.Төсөөлөх чадвар нь сайжирч эхлэнэ.
Тэдэнтэйгээ хамт алх. Алхахад хүний биеийн 639 булчингийн 400 нь ажиллаж байдаг.
Хүүхэд аливаад оролцсон тохиолдолд үр дүнд нь бүү анхаарал хандуул. Үр дүн бус оролцоо чухал.
Хүүхдийг бүү хүчлэ. Хүүхдийг хүслийнх эсрэг зүйл хийлгэхээр хүчлэх нь тэдний хувь тавиланг дорд үзсэн хэрэг болно.
Хүүхдийнхээ бодол санааг зоригжуул.
Эцэг эхчүүд хүүхэдтэй болохоос өмнө өөрсдийгөө хөгжүүлэх хэрэгтэй.