Догшин хутагт Данзанравжаагийн “Үлэмжийн чанар” дууны аялгууг нүцгэн тоглож, урлагийн ертөнцөд багагүй дуулиан дэгдээж явсан хийлч Дээгийг өдгөө Монголд танихгүй хүн ховор болжээ.
Гэвч хэдхэн жилийн өмнө нэгэн тоглолтон дээр “гар барьж” байгаад баригдсанаас хойш үзэгчид түүнд тийм ч таатай хандахаа больсон. Тэгвэл тэрбээр энэ удаа ч мөн үзэгчдэд таалагдсангүй.
Тодруулбал, дэлхийн 60 гаруй оронд зохион байгуулагдаж, 100 гаруй мянган үзэгчийг байлдан дагуулдаг шоуг “Монгол HD” телевизийнхэн Монголдоо зохион байгуулж байгаа билээ. Тэгвэл “Авьяаслаг монголчууд” шоуны энэ удаагийн шүүгчдээр гавьяат жүжигчин Б.Чулуунбат, хөтлөгч Чимгээ, реппер Рокит Вэй, хийлч Дээгий нар сонгогджээ.