Өнгөрсөн онд орлого нь нэмэгдсэнээр дэлхийн тэргүүн баячуудын дөрөвдүгээрт бичигдэх болсон “Фэйсбүүк” компанийн захирал Марк Зукерберг Сар шинийн мэндчилгээ дэвшүүлсэн бичлэгээ өөрийн цахим хуудаснаа нийтэлжээ. Тэрбээр эхнэр Прицилла Чан болон хоёр сартай охин Махима нарын хамт уг мэндчилгээг дэвшүүлсэн бөгөөд сонирхолтой Марк Хятад хэлээр мичин жилдээ эрүүл энх, эд баялгаар дүүрэн байхыг хүсэн ерөөсөн байна. Манай урд хөршид “Facebook” сайтыг хориглосон байдаг. Харин олон нийт “Фэйсбүүк”-ийн үүсгэн байгуулагч, захирал Дорнын шинэ жилийн баярт ийн хүндэтгэлтэй хандаж, хятад хэлээр мэндчилгээ дэвшүүлж байгаа нь “Фэйсбүүк” БНХАУ-ын зах зээлд нэвтрэх хүсэлтэй байгаа хэмээн үзэж байна.
